උතුරු කොරියාවේ දැඩි විරෝධය මැද, ඇමෙරිකා ජනපති බැරැුක් ඔබාමා පෙරේදා (24) දකුණු කොරියාවේ සෝල් නුවරට පැමිණියේය.
ජනපති ඔබාමා දකුණු කොරියාවට පැමිණියේ අද (26) සහ හෙට (27) සෝල් අගනුවර ආරම්භ වන න්යෂ්ටික ආරක්ෂක සමුළුවට සහභාගීවීම සඳහාය. රටවල් 53 ක් සහභාගී වන එම සමුළුවේ මෙවර තේමාව වී ඇත්තේ ‘න්යෂ්ටික අවි ත්රස්තවාදය පිටුදකිමු’ යන්නය.
න්යෂ්ටික අවි, ත්රස්තවාදීන් අතට පත්වීම වැළැක්වීමට මෙන්ම එවැනි අවි ත්රස්තවාදීන් අතට පත්වීමේදී සිදුවිය හැකි ඵලවිපාක ගැන ද න්යෂ්ටික ආරක්ෂක සමුළුවේදී සාකච්ඡා කිරීමට නියමිතය.
උතුරු කොරියාව හෝ ඉරානය හෝ මෙම සමුළුවට සහභාගී නොවන අතර, ඔබාමා දකුණු කොරියාවට පැමිණීම ගැන විරෝධය පළ කරමින් උතුරු කොරියා රජය පවසා ඇත්තේ ලෝකයට අනතුරක් ඇත් නම් ඒ වෙන කිසිවකුගෙන් නොව ඇමෙරිකාවෙන් බවය.
ඇමෙරිකා ජනපතිවරයා ආසියාවේ සිය හමුදා බලය තහවුරු කර ගැනීමට උත්සාහ ගන්නා බවට ද උතුරු කොරියා රජය චෝදනා කරයි.
ඇමෙරිකා ජනපතිවරයාට අමතරව සෙසු රාජ්ය නායකයෝ ද දකුණු කොරියාවට පැමිණියහ. සමුළුව පැවැත්වෙද්දී ඊට සමගාමීව, ලෝක නායකයන් ඉරානයේ න්යෂ්ටික අර්බුදය ගැනත් උතුරු කොරියාවේ න්යෂ්ටික කටයුතු ගැනත් සාකච්ඡුා කිරීමට නියමිතය.
ඇමෙරිකාව, එක්සත් ජාතීන්ගේ සංවිධානය, යුරෝපා සංගමය, බි්රතාන්යය සහ ඊශ්රායලය තරයේ කියා සිටින්නේ ඉරානය ඔවුන්ගේ බලශක්ති වැඩසටහනට මුවාවී පරමාණු බෝම්බ නිපදවන බවත්, එය ලෝකයට තර්ජනයක් බවත්ය. එහෙත් ඉරානය එම චෝදනා තරයේ ප්රතික්ෂේප කරයි. ඉරානයේ න්යෂ්ටික බලශක්ති කටයුතුවලට සහාය දෙන්නේ රුසියාවයි.
ඉරානය ලොවෙන් හුදෙකලා කිරීමේ අරමුණ ඇතිව එරටට එරෙහිව ආර්ථික සහ වෙළෙඳ සම්බාධක පැනවීමටද බටහිර බලවතුන් කටයුතු කර ඇත.
ඉරානය මෙන් නොව උතුරු කොරියාව ඔවුන්ගේ න්යෂ්ටික කටයුතු එළිපිට සිදුකරයි. උතුරු කොරියාවට ඒ සඳහා සහාය දෙන්නේ චීනයයි. උතුරු/දකුණු කොරියා අතර පවතින මතභේදවලදී මැදහත්කරු ලෙස කටයුතු කරන්නේ ද චීනයයි. ඇමෙරිකාව, ආසියාවේ බලය අල්ලා ගැනීමට සැරසෙනවා යැයි චීනය ද චෝදනා කරයි.
කිම් ජොංග් ඉල්ගේ පාලන සමයේදී උතුරු කොරියාව, නිරන්තරයෙන් අධි බලැති දිගු දුර සහ කෙටි දුර මිසයිල අත්හදා බැලීය. උතුරු කොරියාව හිතුවක්කාර අන්දමින් න්යෂ්ටික කටයුතු සිදු කරන බවට ඇමෙරිකාව ප්රමුඛ බටහිර රටවලින් චෝදනා එල්ල වීමත් උතුරු කොරියාවට එරෙහිව සම්බාධක පැනැවීමත් සමඟ එරට ලෝකයෙන් හුදෙකලා විය. නමුත් කිම් ජොංග් ඉල්ගේ මරණින් පසු බලයට පැමිණි ඔහුගේ පුතු කිම් ජොංග් උන් න්යෂ්ටික වැඩකටයුතු තාවකාලිකව නැවැතීමටත් යළිත් බටහිර රටවල් සමඟ න්යෂ්ටික සාකච්ඡුා පැවැත්වීමටත් අදහස් කර ගෙන සිටියි.
සෝල් නුවරට පැමිණි ඔබාමා දකුණු කොරියා ජනපති ලී මියුන් බක් හමුවී සාකච්ඡුා කිරීමෙන් අනතුරුව, උතුරු සහ දකුණු කොරියා දේශසීමාවේ පිහිටි බොනිපාස් සහ සෙසු ඇමෙරිකන් හමුදා කඳවුරු නිරීක්ෂණයට ගියේය.
එහිදී ඇමෙරිකන් හමුදා සෙබළුන් හමුවී ඔවුන් දකුණු කොරියාවේ සිදු කරන කාර්යභාරය අගැයීමට ලක් කිරීමට ද අමතක නොකළේය. දකුණු කොරියාවේ ඇමෙරිකා හමුදා කඳවුරුවල ඇමෙරිකන් සෙබළු 28,500 දෙනෙක් සිටිති.
ඇමෙරිකන් ඩොලර් මිලියන 1.4 ක බදු ගෙවීම පැහැර හැරීම සහ ඊට අදාල චෝදනා නවයකට තමන් වරදකරු බව ඇමෙරිකන් ජනාධිපති ජෝ බයිඩන් ගේ පුතු හන්ටර් බයිඩන් පුතු පිළිගත්තේ
ප්රංශ භාරකාර රජයේ නව අග්රාමාත්ය ධුරයට, ප්රවීණ දේශපාලනඥයකු වන මිකෙල් බානියේ නම් කිරීමට ප්රංශ ජනාධිපති ඉමැනුවෙල් මැක්රොන් තීරණය කර තිබේ.
නවසීලන්තයේ මුල් පදිංචිකරුවන් වන මෞරි ආදිවාසීන්ගේ රජ කිරුළ, නැසී ගිය මෞරි රජුගේ බාල දරුවා මෙන්ම එකම දියණිය ද වන 27 හැවිරිදි නා වයි හෝනෝ ට හිමිවිය.
ජපාන අග්රාමාත්ය ෆුමියෝ කිෂිඩා දෙදින සංචාරයක් සඳහා දකුණු කොරියාවේ සෝල් අගනුවරට පැමිණියේය. දකුණු කොරියා ජනාධිපති යූන් සුක් යෝල්ගෙන් ජපාන අග්රාමාත
විශ්ව විද්යාල ශිෂ්ය අරගලය හමුවේ, ධුරයෙන් නෙරපා දැමුණු හිටපු අගමැතිනී ෂෙයික් හසීනා, බංග්ලාදේශ නව අන්තර්වාර රජය විවේචනය කිරීමෙන් වැළැකී සිටින්නේ නම්
නොවැම්බර් 5 වැනිදා පැවැත්වෙන, ඇමෙරිකන් ජනාධිපතිවරණයට, ඩිමොක්රටික් පක්ෂයෙන් ඉදිරිපත් වන ජනාධිපති ධුර අපේක්ෂිකා වත්මන් උප ජනාධිපතිනී කමලා හැරිස්ගේ හ
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
උතුරු කොරියාවේ විරෝධය මැද ජනපති ඔබාමා දකුණු කොරියාවට
ඒ.චන්දවිමල හිමි. Tuesday, 27 March 2012 07:04 AM
උතුරු කොරියාව හරි. එම මතයට ආසියානු රටවල්ද එක්විය යුතුයි.