කාම්බෝජ අග්‍රාමාත්‍ය හුන් සෙන් නිල වශයෙන්, සිය වැඩිමල් පුතු සොන් හුන් මනෙට් ට අග්‍රාමාත්‍ය ධුරය පිරිනැමුවේය.

කාම්බෝජ මහ මැතිවරණය මීට දින කීපයකට පෙර පැවැත්විණි. එයින් විශිෂ්ට ජයක් හිමිකර ගැනීමට අග්‍රාමාත්‍ය හුන් සෙන් සමත් විය. 70 හැවිරිදි හුන් සෙන්, කාම්බෝජයේ අග්‍රාමාත්‍ය ධුරය හොබවන්නේ වසර 38 ක් තිස්සේය.

මැතිවරණ ජයෙන් පසු හුන් සෙන් කියා සිටියේ තමන් ධුරයේ රැදී සිටින්නේ සති 3 ක කාලයකට පමණක් බවය. තමන් ජයග්‍රහණය කළොත් පුතාට බලය පැවැරීමක් කරන බව  හුන් සෙන් මැතිවරණ රැලිවලදී ද පවසා තිබුණි.

හුන් සෙන් සහ සොන් හුන් මනෙට් නියෝජනය කරන කාම්බෝජ ජනතා පක්ෂයයි.

45 හැවිරිදි සොන් හුන් මනෙට් පියාගේ මඟ පෙන්වීම යටතේ පසුගිය මහ මැතිවරණයට ඉදිරිපත් වුණු අතර ඔහුට පළමු වරට පාර්ලිමේන්තු අසුනක් දිනා ගැනීමට ද හැකිවිය.

තමන් පුතුට බලය පවරන බව හුන් සෙන්, කාම්බෝජයේ නොරෝඩොම් රජුට ද දැනුම් දී ඇති අතර, රජුගේ අනුමැතිය ද ඊට හිමි වී තිබුණි. කාම්බෝජය අග්නිදිග ආසියානු රාජ්‍යයකි. ජනගහනය මිලියන 16.59 කි. නොම්පෙන් කාම්බෝජයේ අගනුවරය.