පෙනහළු ආසාදනයක් හේතුවෙන් දින 14 ක් තිස්සේ රෝහල්ගතව ප්‍රතිකාර ලබන ශුද්ධෝත්තම පාප්තුමන්ගේ සෞඛ්‍ය තත්ත්වය කෙමෙන් කෙමෙන් යහපත් අතට හැරෙමින් පවතින බව වතිකානය නිකුත් කළ නිවේදනයක දැක්වෙයි.  

88 හැවිරිදි ශුද්ධෝත්තම පාප්තුමන් රෝමයේ ගෙමෙලි රෝහලේ ප්‍රතිකාර ලබන්නේ පසුගිය පෙබරවාරි 14 වැනිදා තිස්සේය. පෙනහළු ආසාදනය හේතුවෙන් නිව්මෝනියා තත්ත්වකටත්, වකුගඩු අක්‍රියවීමේ අවදානමකටත් පාප්තුමන් මුහුණ දුන්නේය. පාප්තුමන්ට ඉක්මන් සුවය පතා වතිකානයේ පමණක් නොව, ලොව පුරා විශේෂ යාඥා මෙහෙයුම් පැවැත්විණි.

තමන්ගේ සෞඛ්‍ය තත්ත්වය නොසඟවා ලොවට පවසන්නැයි පාප්තුමන් කර ඇති ඉල්ලීමට අනුව, වතිකානය පැය 24 පුරා පාප්තුමන්ගේ සෞඛ්‍ය තත්ත්වය සම්බන්ධයෙන් පුවත් වාර්තා කරමින් සිටී.

වෛද්‍යවරුන් උබුටා දක්වමින්, වතිකානය පවසා ඇත්තේ, මේ වනවිට පාප්තුමන්ගේ ජීවිතයට කිසිදු අනතුරක් නොමැති බවත්,  එතුමන්ට අඩුම තරමින් තරැව සති තුනක් රෝහල්ගතව සිටීමට සිදුවනු ඇති බවය. 

(ඒ.එෆ්.පී.)