ඉරානයේ කෙර්මාන් නගරයේ බෝම්බ පිපිරීම්වලට සම්බන්ධ හෝ අනුබල දුන් කිසිවකුට කිසිම සමාවක් නොදෙන බව ඉරාන උත්තරීතර නායක අයතුල්ලා අලී කොමේනී පවසා තිබේ.
එම බෝම්බ ප්රහාරවලින් මියගිය ඉරාන වැසියන් ගණන 103 කි. තුවාල ලබා රෝහල්ගත කළ ගණන 211 කට වැඩිය. ඇමෙරිකන් ප්රහාරයකින්, මියගිය ඉරාන විප්ලවීය හමුදාවේ ජනරාල්වරයකු වූ කසීම් සුලෙයිමානීගේ ගුණ සැමරුමක්, ඉරානයේ දකුණුදිග කෙර්මාන් නුවර, ඔහුගේ සොහොන් ගැබ අභියස පැවැත්වෙද්දීය. කසීම් සුලෙයිමානීගේ සොහොන් ගැබ ඇත්තේ ෂියා ෂහේබ් අල් සාමාන් මුස්ලිම් පල්ලිය අසලය. ගුණ සැමරුමට දහසකට වැඩි ඉරාන වැසියෝ පිරිසක් එක් රොක් වී සිටියහ. එය ත්රස්ත ප්රහාරයක් යැයි ඉරාන ආරක්ෂක අංශ පවසයි. ප්රහාරයේ වගකීම තවමත් කිසිදු පාර්ශ්වයක් බාරගෙන නැත.
‘ඉරානයට විනාශ කිරීමට උත්සාහ ගන්නා ඉරානයේ නපුරන් යළිත් වරක් ඉරානය අඩපණ කිරීමට උත්සාහ ගත්තා. අහිංසක ඉරාන වැසියන්ගේ ලේ සෙලවූවා. ප්රහාරය පසුපස සිටින ඉරානයේ සතුරන් කිසිවකුට අප සමාව දෙන්නේ නැහැ. ප්රහාරයට සම්බන්ධ සියලු දෙනාට සුදුසු ආකාරයේ දඬුවමක් හිමිවේවි.’ යැයි ඉරාන උත්තරීතර නායකයා පැහැදිලි කර තිබේ.
ඉරානයේ ෂියා මුස්ලිම්වරුන් ඉලක්ක කර ගනිමින් ප්රහාර එල්ල කරන්නේ සුන්නි මුස්ලිම් අයි.එස්. ඉස්ලාමීය ත්රස්තවාදීන්ය.
සුන්නි මුස්ලිම් ත්රස්තයන්, පසුගිය වසර ගණනාව පුරා ෂියා මුස්ලිම් පල්ලි ඉලක්ක කර ගනිමින් බෝම්බ පිපිරීම් සිදු කර ඇත.
කසීම් සුලෙයිමානී යනු ඉරානයේ සිටි බලවත්ම පුද්ගලයෙකි. ඔහු දෙවැනි වූයේ ඉරාන උත්තරීතර නායක කොමේනිට පමණි. සුලෙයිමානී ඉරාන විප්ලවීය හමුදාවට අයත් අතිරේක බලඇණිවලට නායකත්වය දුන්නේය.
සුලෙයිමානී ඇමෙරිකන් හමුදාවේ ඩ්රෝන ප්රහාරයකින් ඝාතනය වූයේ 2020 වසරේ දී ඉරාකයට ගිය අවස්ථාවේදීය. ඇමෙරිකන් හමුදා සුලෙයිමානී ඝාතනය කළේ එවකට ඇමෙරිකානු ජනාධිපති ලෙස කටයුතු කළ ඩොනල්ඞ් ට්රම්ප් ලබා දුන් නියෝගයකට අනුවය.
අරුන් ගංගා ද්රෝණියේ පාෂාණ සහ පස් ඛාදනය වීමෙන්, ලොව උසම ශිඛරය ලෙස සැලකෙන එවරස්ට් කන්ද වසරකට මිලිමීටර් 2 කින් ඉහළ යමින් පවතින බව නවතම අධ්යයනයකින් හෙළි ව
වසර මිලියන 66 කට පෙර, මිහිමත රජ කළ දැවැන්තයන් වූ, ඩයිනසෝරයන් විනාශ කළේ එක් යෝධ ග්රහකයක් පෘථිවියේ ගැටීමෙන් නොව, යෝධ ග්රහක කීපයක් පෘථිවියේ ගැටීමෙන් යැයි
නොවැම්බර් 5 පැවැත්වෙන ඇමෙරිකන් ජනාධිපතිවරණයේ දී, බිලියනපති ඇමෙරිකන් ව්යාපාරික ඉලොන් මස්ක්ගේ සහාය රිපබ්ලිකන් ජනාධිපති ධුර අපේක්ෂක, හිටපු ජනාධිපති ඩ
ඇෆ්ගන් තලේබාන් සංවිධානය, තම ත්රස්ත ලැයිස්තුවෙන් ඉවත් කිරීමට රුසියන් රජය තීරණය කළ බව එරට විදේශ අමත්යාංශය පවසා ඇත.
ඊශ්රායල හමුදාව, ලෙබනනයේ බේරූට් අගනුවර භූගත බංකරයක සැඟවී සිටි හිස්බුල්ලා සංවිධානයේ නායක හසන් නසරැල්ලා ඝාතනය කිරීමෙන් පසු, හිස්බුල්ලා නායකත්වයට තවමත
ඉන්දියාවේ හර්යානා ප්රාන්ත මැතිවරණයේ ප්රතිඵල නිකුත් වූ අතර වසර 10 කට පසු, හර්යානා ප්රාන්තයේ බලය අග්රාමාත්ය නරේන්ද්ර මෝදි නියෝජනය කරන භාරතීය ජනතා
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ප්රහාරයට සම්බන්ධ කාටවත් සමාවක් නෑ - ඉරානය