උතුරු ඇමරිකාව නිජබිම කරගත් වල් බෙරි මගින් පිළිකා සුවකළ හැකියැයි පර්යේෂකයෝ කියති.

පර්යේෂණය සිදුකළ විද්‍යාඥයින් යෝජනා කරන්නේ පිළිකාවලට ගන්නා ඖෂධීය ප්‍රතිකාරකවලට වල්බෙරි මිශ්‍රකළ විට පිළිකා සෛල නසාලීමට වැඩිවශයෙන් හේතුවන බවයි.

මේ සම්බන්ධ අදහස් දක්වන ඇතැම් විද්‍යාඥයන් පවසන්නේ රසායනාගරවල වර්ධනය කරන පිළිකා සෛල පමණක් යොදාගෙන කරන ලද පර්යේෂණයක් බැවින් එය එකවිටම පිළිගත නොහැකි කරුණක් බවයි. බ්‍රිතාන්‍යයේ පිලිකා පර්යේෂකයන් පවසන්නේ වල්බෙරිවල පිළිකා සෛල විනාශකිරීමට ඇති හැකියාව සොයා බැලීමට විශේෂයෙන් මිනිසුන් යොදා ගනිමින් අත්හදාබැලීම් කිරීම අවශ්‍ය බවයි.

සවුත්ඇම්ප්ටන් විශ්ව විද්‍යාලයේ සහ ලන්ඩන් හි කිං කොලෙජ් රෝහලේ පර්යේෂකයන් වල්බෙරිවල සාරය අග්න්‍යාශයික පිළිකා සෛල සමග පරික්ෂාවට භාජනය කර තිබේ.

අග්න්‍යාශයික පිළිකා සඳහා ප්‍රතිකාර කිරීමට අපහසු බවත් සාමන්‍යයෙන් එවැනි පිළිකාවක් හඳුනාගැනීමෙන් පසු රෝගියා ජීවත් වන්නේ  මාස හයක් පමණ බවත් විශේෂඥ මතයයි.

කෙසේ වෙතත් මෙම අධ්‍යනයේ ප්‍රධානි වන සවුත්ඇම්ප්ටන් විශ්වවිද්‍යාලයේ ජ්‍යෙෂ්ඨ කථිකාචාර්ය  බසීර් එල්. වලීඩ් පවසන්න් පිළිකා ප්‍රතිකාරක සමග වල්බෙරි එක්ව ක්‍රියාකරණ්නේ කෙසේද යන්න සොයා බැලීමට තවත් පර්යේෂණ අවශ්‍ය බවයි.

එම පර්යේෂණ කටයුතු සඳහා මලයාසියා උසස් අධ්‍යාපන අමාත්‍යාංශය හා සෞඛ්‍ය සරණ අරමුදල අවශ්‍ය මුදල් ප්‍රතිපාදන වෙන්කැර ඇත.