බංග්ලාදේශයේ චිතගොං නගරයේ අලූත්වැඩියා කරමින් තිබූ ගුවන් පාලමක් ඊයේ(25) කඩා වැටීමෙන් 13 දෙනෙක් ජීවිතක්ෂයට පත්වූහ. මියගිය අයගෙන් වැඩි දෙනා ඉදිකිරීම් සේවකයන් බවත් පාලම කඩා වැටෙද්දී එහි සේවකයන් 50 දෙනකු පමණ සිටි බවත් වාර්තා වේ. සුන්බුන් අතර සිරවූවන් සෙවීමේ කටයුතු දිගටම සිදුවන බවත් වාර්තා වේ. කඩා වැටුණු ගුවන් පාලම අඩි සියයක දිගින් යුක්ත වන අතර පළල අඩි හයකි. පාලම කඩා වැටීමෙන් අනතුරුව  එම ස්ථානයට රැස් වූ පුද්ගලයන් ඉදිකිරීම් සේවකයන්ට පහර දෙමින් කලහකාරී අන්දමින් හැසිරුණු අතර ඔවුන් විසුරුවා හැරීමට පොලිසිය කටයුතු කළේය. බංග්ලාදේශ ඉදිකිරීම් ක්ෂේත‍්‍රයේ පවතින අක‍්‍රමිකතා  සම්බන්ධයෙන් නිසි ලෙස කටයුතු නොකළ හොත් මූල්‍යමය ආධාර ලබා නොදීමට කටයුතු කරන බව ලෝක බැංකුව අනතුරු අඟවයි.