2024 නොවැම්බර් මස 29 වන සිකුරාදා
අඟහරු මෙහෙයුමේ යෙදීමට නියමිත ගගනගාමින් අඟහරු වෙත යන ගමන අතරතුරදී ‘‘හේමන්ත නින්දට‘‘ පත් කරවීම සම්බන්ධයෙන් නාසා ආයතනයේ අවධානය යොමුව තිබේ.
විද්‍යා ප‍්‍රබන්ධ,චිත‍්‍රපට ආදියෙහි ප‍්‍රධානම තේමාවක් වුවද සැබෑ ලෝකයේ මිනිසා තවමත් හේමන්ත නින්ද සම්පූර්ණයෙන්ම ජයගෙන නැත.
‘‘හේමන්ත නින්ද‘‘ යනු ගැඹුරු නින්දක් හා සමාන වන අතර එහිදී සිරුරේ පරිවෘත්තීය වේගය අඩුවේ.ඒ හා සමග හුස්ම ගැනීමේ වේගය,හෘද ස්පන්දනය ආදී කි‍්‍රයාකාරකම් වල වේගයද පහළ යයි.
මීයන්,වළසුන් වැනි සත්ත්වයෝ ස්වභාවිකවම ශිශිරතරණයට එළැඹෙන්නෝ වෙති.සීත සෘතුවේදී පරිසරයේ උෂ්ණත්වය පහළ යන විට ඔවුන්ගේ සිරුරු ඊට ප‍්‍රතිචාර දක්වනුයේ පරිවෘත්තීය වේගය අඩු කර සිරුර මේ තත්ත්වයට පත් කරවීමෙනි.මෙවිට ගැඹුරු නින්දකට එළැඹෙන එම සතුන් වසන්තයේදී පරිසර උෂ්ණත්වය සාමාන්‍ය මට්ටමට නැගෙන තාක් කල් නොනැගිටී.
මේ නින්දේ අරමුණ වන්නේ ශීත කාලගුණයන්හිදී සිරුර උණුසුම් කර ගැනීමට අනවශ්‍ය පරිදි ශක්තිය වැය වීම වැළැක්වීමයි.
මෙම කි‍්‍රයාවලිය මිනිසාටත් ආදේශ කළ හැකිදැයි බැලීම නාසා ආයතනයේ අපේක්ෂාව වී තිබේ.ගගනගාමීන් ශිශිරතරණයට පත්කරවිය හැකි නම් අඟහරු වෙත යැවෙන අභ්‍යාවකාශ යානයට ආහාර ද්‍රව්‍ය තොග ගණනින් පැටවීමට අවශ්‍ය වනු නැතැයිද ඒ නිසාම පෙර සැළසුම් කළාට වඩා ප‍්‍රමාණයෙන් කුඩා නමුත් කාර්යක්ෂම යානාවක් තැනිය හැකිවනු ඇතැයිද නාසා ආයතනය කියයි.
අඟහරු වෙත යෑමට දින 180 ක පමණ කාලයක් ගතවනු ඇතැයි නිගමනය කර ඇත.
ගගනගාමීහු හේමන්ත නින්ද හෙවත් ශිශිරතරණයට පත්කෙරෙන ආකාරය සම්බන්ධයෙන් න්‍යායන් කිහිපයක්ම ඉදිරිපත්ව තිබෙන අතර ඒවා අතරින් නාසය ඔස්සේ යැවෙන ශීතකාරක ද්‍රවයක් මගින් සිරුරේ උෂ්ණත්වය සෙල්සියස් අංශකයකින් පහත බස්වා සිරුර ශිශිරතරණයට පත්කරවීම කෙරෙහි වැඩි අවධානයක් යොමුව තිබේ.
මෙසේ ශිශිරතරණයට පත්කෙරෙන ගගනගාමීන්ට ආහාර සැපයීම පිටත සිට ධමනි වලට සම්බන්ධ කෙරෙන නාළ විශේෂයක් මගින් සිදුවනු ඇත.
ගගනගාමියා අවදි කරවීමට නාසයෙන් සැපයෙන් ශීතකාරක ද්‍රව ප‍්‍රවාහය නැවැත්වීම ප‍්‍රමාණවත් බව සදහන්ය.එවිට සිරුරේ උෂ්ණත්වය සාමාන්‍ය මට්ටමට ඉහළ නැග ගගනගාමියා අවදි වනු ඇතැයි විද්‍යාඥයින් පවසයි.
ගගනගාමීන් කොටසක් ශිශිරතරණයේ පසුවෙද්දී තවත් කොටසක් වැඩෙහි යෙදිය යුතුයැයිද,සියලූදෙනා ශිශිරතරණයේ පසුව අගහරු වෙත පැමිණීමේදී අවදි විය යුතුයැයිද ආදී ලෙස අදහස්ද ඉදිරිපත්ව තිබේ.
මේ සම්බන්ධයෙන් වැඩිදුර පර්යේෂණ කටයුතු සිදුකිරීමට නාසා විද්‍යාඥයෝ කටයුතු කරමින් සිටිති.
පාකිස්තානයේ කයිබර් පක්තුන්කාවා පළාතේ, පෙෂාවෝර් නගරයට යෑමෙන් වළකින්නැයි පාකිස්තානයේ ඇමෙරිකන් තානාපති කාර්යාලය ඇමෙරිකානුවන්ට අනතුරු අඟවා ඇත.
බංග්ලාදේශ අන්තර්වාර පාලක මණ්ඩලයට හිතවාදී විශ්ව විද්‍යාල සිසුන් ද ඇතුළු අරගලකරුවන්ගේ උසි ගැන්වීමෙන්, එරට හින්දු පූජකවරුන් අත්අඩංගුවට ගැනීම අනුමත කළ
ලෙබනනයට එල්ල කළ ඊශ්‍රායල ප්‍රහාර නැවැත්වීමට ඊශ්‍රායලය එකඟ වීමත් සමඟ ප්‍රහාර හමුවේ පණ බේරා ගනිමින් ආරක්ෂිත ස්ථානවලට පලා ගිය ලෙබනන් වැසියෝ දහස් ගණනින්
පෘථිවි අක්ෂය අඟල් 31.5 කින් (සෙන්ටිමීටර 80 කින් පමණ) ඇලවී ඇතැයි විද්‍යාඥයෝ පවසති. මීට හේතුව වී ඇත්තේ කාලගුණික විපර්යාස යැයි ද විද්‍යාඥයෝ පැහැදිලි කරති.
බංග්ලාදේශයේ ප්රධාන ජාතික පුවත්පත ලෙස සැලකෙන ‘ප්‍රොතෝම් ආලෝ’ පුවත්පත වසා දමන්නැයි බලකරමින් ඩකා අගනුවර විරෝධතා පැවැත්වෙයි.
බ්‍රිතාන්‍යයේ තෙවැනි චාල්ස් රජු සහ කැමිලා රැජින ආසියානු සංචාරයක් ආරම්භ කිරීමට නියමිත බව බකිංහැම් මාලිගය නිකුත් කළ නිවේදනයක දැක්වෙයි.
2024 නොවැම්බර් මස 05
572
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
776
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
මිනිහාත් හේමන්ත නින්දට යවයි?
සූරියාරච්චි Tuesday, 07 October 2014 10:43 AM
මෙය සාර්ථක වුණොත් මිනිසාට ඕනෑම ග්‍රහලෝකයක් තරණය කිරීමේ හැකියාව ලැබෙනවා. ජයවෙවා! (නි)
ඉන්දික Tuesday, 07 October 2014 11:22 AM
අපේ රටේ ඉන්නවනේ සෑහෙන කට්ටියක් හේමන්ත නින්දට යවන්න සුදුසු. (නි)
උඩුමලගල ගමගේ Monday, 13 October 2014 04:34 AM
මමත් කැමතියි "හේමන්ත නින්දට" යන්න. මගේ මුළු පවුලම සමඟින් ජීවන වියදමට මුහුණ දෙන්න තියෙන හොඳම ක්‍රමය ඒක තමයි මම හිතන්නේ (නි)
ජයත් Wednesday, 08 October 2014 06:56 AM
මේක විද්‍යා ප්‍රබන්ද වල මීට හුඟ කාලෙකට ඉස්සර තිබුන දෙයක්. මට නම් හිතෙන්නේ අපේ සමහර පුද්ගලික බස් වල යන මගීන්ට මේ ක්‍රමය ක්‍රියාත්මක කරන්න පුළුවන් නම් හරිම හොඳයි. මොකද සමහර ඒවා ඒ තරම්ම කාලයක් ගන්නවා. විශේෂයෙන් 192 වගේ ඒවා (නදී)
ප්‍රේමකුමාර Wednesday, 08 October 2014 07:30 AM
රූපවතී මමත් එනවා ඔයත් එක්ක යන්න (නදී)
විරාජ් Thursday, 09 October 2014 02:51 AM
ඔන්න රූපවති අක්කා ඉන්න රටකට වෙලා ඉන්න. අනේ අනේ අපේ රූපවති අක්කාටත් හිතන ඒවා! (නි)
රේනුක Tuesday, 07 October 2014 10:04 PM
අපේ පාර්ලිමේන්තුවේත් ඉන්නවා "හේමන්ත නින්දට" පත්වෙච්ච කට්ටිය.එයාලා නම් නැගිටින්නේ ඡන්දයක් කිට්ටු වෙනකොට. (නි)
රේඛා Tuesday, 07 October 2014 01:19 PM
අගහරු වෙත යාම මිනිස්සුන්ට සුදුසු නැත (නදී)
චමීර Wednesday, 08 October 2014 01:30 AM
එක පයින්ම අඟහරු වලට යන්න වගෙයි සූදානම (නි)
සුනිල් Monday, 13 October 2014 08:35 AM
මමත් කැමතියි නින්දට යන්න,, ජීවන වියදමට මුහුණ දෙන්න බැරි නිසා.(හේ)
දම්මි Tuesday, 07 October 2014 02:13 PM
රජයේ කන්තෝරුවල ඉන්න ගොඩක් අය ඔය නින්දේ නිතරම ඉන්න නිසා මෙහෙ ආවා නම් නිකම්ම ඉගෙනගන්න තිබුනා. (නි)
දයාල් Friday, 10 October 2014 07:32 AM
මමත් රේණුක සමඟ එකඟයි (නි)
රූපවතී Tuesday, 07 October 2014 10:09 AM
මාත් ආසයි "ස්පේෂ් ෂිප් " එකක ගිහිල්ලා එන්න. මේ සඳහා ඉදිරි පත් වෙන අය ගොඩාක් වාසනාවන්තයි. වෙනත් ලෝකයක අලුත් අත්දැකීමක් ජීවිතේට ලබාගන්න දකින්න මාත් ආසයි. (නදී)