රාජ්‍ය සේවකයන්ට හෝ වෙන කිසිදු ඇෆ්ගන් වැසියකුට රජය විවේචනය කළ නොහැකි බවත්, එසේ රජය විවේචනය කරන පුද්ගලයන්ට දැඩි දඩුවම් ලබා දීමට කටයුතු කරන බවත් ඇෆ්ගන් තලේබාන් පාලකයෝ පවසති.

තලේබාන් පාලකයන් මේ බව දැනුම් දෙමින් විශේෂ ආඥාවක් ද නිකුත් කර තිබේ.

තලේබාන් පාලකයන් අතට පත් වුණු ඇෆ්ගනිස්තානය අද හැදින්වෙන්නේ, 'ඇෆ්ගනිස්තාන ඉස්ලාම් එමිරේට්ස් රාජ්‍යය' යනුවෙනි.

තලේබාන්වරුන් ඇෆ්ගනිස්තානයේ බලය අල්ලා ගත්තේ 2021 වසරේ ඇමෙරිකන් හමුදා ඇෆ්ගනිස්තානයෙන් පිටවී යෑමෙන් පසුවය‍.

ඉන්පසු තලේබාන් පාලකයන් විසින් ඇෆ්ගනිස්තානයට යළි ඔවුන්ගේ ෂරියා නීතිය හදුන්වා දෙනු ලැබුණි. ෂරියා නීතිය යටතේ බාලිකා අධ්‍යාපනය නැවැතී ඇති අතර, කාන්තාවන්ට රැකියා කිරීම ද කහනම් වී ඇත.

තලෝබාන් රජය දැඩි ලෙස විවේචනය කරන්නන් අතර, එරට විද්වතුන් බොහෝ දෙනක් ද සිටිති.

(එන්.ඩී.ටීවී.)