අතින් ලියූ, ලොව විශාලතම, ශුද්ධ වූ කුරානය පිළිබඳ වාර්තා යළිත් අලුත් කිරීමට ඉන්දියාවේ රාජස්ථානයේ ව්‍යාපාරිකයකු සමත් වී සිටින බව විදෙස් මාධ්‍ය පවසයි.

අක්ෂර වින්‍යාසය පිළිබඳ ප්‍රවීණයෙකු වන මවුලානා ජමීල් අහමඩ් විසින් මෙම කුරානය අත්අකුරින් අක්ෂරකරණය කර ඇති බව ඉන්දීය මාධ්‍ය පෙන්වා දෙයි.

රාජස්ථානයේ චිත⁣ගෝර්හි හි ධනවත් ව්‍යාපාරිකයෙකු වන හජි ෂයර් ඛාන්ගේ අදහසකට අනුව, ආරම්භ වුණු මෙම කාර්යය සඳහා දස දෙනෙකුගෙන් යුත් කණ්ඩායමක් එක් වී ඇත.

වසර දෙකක තුළ, රචනා කළ මෙම දැවැන්ත ශුද්ධ වූ කුරානය කිලෝග්‍රෑම් 260 ක බරකින් යුක්තය. ලොව බරින් වැඩිම කුරානය ලෙස වාර්තා අතරට එක් වන්නේ මෙයයි.

අඩි 10.5 ක පළලින් හා අඩි 7.6ක දිගින් යුත් මෙම කුරානය එසවීම සදහා 20ත් 25ත් අතර පිරිසකගේ සහාය අවශ්‍ය වන බව ද පැවැසෙයි.

මෙම කුරානයේ අන්තර්ගතය කියවීම සදහා පිවිසීමට ඉණිමඟක් භාවිත කළ යුතු බවත් ඉන්දීය මාධ්‍ය වැඩි දුරටත් කියා සිටී.

සාම්ප්‍රදායික ක්‍රම භාවිත කර ජායිපූර් හා සංගනේරිහි අතින් නිපදවූ කඩදාසි භාවිත කර, මෙම අත්අකුරින් ලියූ දැවැන්ත කුරානයේ පොත සකසා ඇතැයි ද පැවැසෙයි.

ආකර්ෂණීය රිදී පැහැ පිටකවරයකින් සමන්විත එම කුරානය, 'කුරාන් ඊ කරීම්' යනුවෙන් නම් කර ඇතැයි ද ඉන්දීය මාධ්‍ය වැඩි දුරටත් පෙන්වා දෙයි.