සැක කටයුතු අයකු යැයි පවසමින්, සුපිරි බොලිවුඞ් නළු ෂාරුක් ඛාන් මැන්හැටන් නුවර ගුවන් තොටුපොළකදී පැය දෙකකට ආසන්න කාලයක් රඳවා තබා ගැනීම සම්බන්ධයෙන් ඉන්දීය රජය ඇමෙරිකාවට දැඩි ලෙස දොස් පවරයි. ඇමෙරිකා ආගමන විගමන නිලධාරීන් විසින් ඉකුත් සිකුරාදා (13) ෂාරුක් රඳවා ගනු ලැබ ඇත්තේ මැන්හැටන් නුවරට නුදුරින් පිහිටි වයිට් පාල්ම්ස් නමැති කුඩා ගුවන් තොටුපොළේදීය. ෂාරුක්, ඇමෙරිකාවට ගියේ යේල් විශ්ව විද්යාලයේ දේශනයක් පැවැත්වීම සඳහාය. ඒ, විශ්ව විද්යාල බලධාරීන්ගේ ආරාධනාවක් පිළිගනිමිණි. ඔහු වයිට් පාල්ම්ස් ගුවන් තොටුපොළට පැමිණ ඇත්තේ නීටා ඇම්බානී සමඟ පෞද්ගලික ගුවන් යානයකිනි. නීටා අම්බානී සුප්රකට ඉන්දීය ව්යාපාරික මුකේෂ් අම්බානීගේ බිරියයි. අම්බානී යුවළගේ දියණිය යේල් විශ්ව විද්යාල ශිෂ්යාවක ද වෙයි. ඉන්දියාවේ සිට වයිට් පාල්ම්ස් ගුවන් තොටුපොළට පැමිණි අවස්ථාවේ ෂාරුක්, නීටා ඇම්බානී ඇතුළු සෙසු පිරිස ආගමන විගමන නිලධාරීන් විසින් අත්අඩංගුවට ගනු ලැබිණි. එහෙත් මිනිත්තු කීපයකින් ෂාරුක් හැර සෙසු පිරිසට ගුවන් තොටුපොළින් පිටවීමට අවසර ලැබී ඇත. ආගමන විගමන නිලධාරීන් ෂාරුක් රඳවා ගනිමින් ප්රශ්න කර ඇති අතර, ඔහු මුදා හැර ඇත්තේ ඇමෙරිකාවේ ඉන්දීය තානාපති කාර්යාලය ඊට මැදිහත් වීමෙන් පසුවය. සිද්ධිය සම්බන්ධයෙන් ඇමෙරිකා ආගමන විගමන කාර්යංශය ඇමෙරිකාවේ ඉන්දීය තානාපති කාර්යාලය හරහා ඉන්දීය රජයට ලිපියක් යවමින් සමාව ඉල්ලා ඇති නමුත් ඉන්දීය විදේශ කටයුතු ඇමැති එස්.එම්. කි්රෂ්ණා ඊට ප්රතිචාර දක්වමින් කියා ඇත්තේ එම ‘සමාව ඉල්ලීම’ පිළිගත නොහැකි බවත් එම සිදුවීම සම්බන්ධයෙන් පරීක්ෂණයක් පවත්වා සිදුවූයේ කුමක්දැයි සොයා බැලීමට කටයුතු කළ යුතු බවත්ය. ෂාරුක්, 2009 වසරේදී ද මෙවැනිම අත්දැකීමකට මුහුණ දුන්නේය. එම අවස්ථාවේ ඔහු පැය ගණනක් රඳවාගෙන ප්රශ්න කළේ නිව්යෝක් නුවර ගුවන්තොටුපොළ ආරක්ෂක අංශයයි. එම අවස්ථාවේදී ෂාරුක් ඇමෙරිකාවට ගියේ ඔහුගේ ‘මයි නේම් ඊස් ඛාන්’ නමැති චිත්රපටයේ කටයුතු වෙනුවෙනි. ‘මයි නේම් ඊස් ඛාන්’ චිත්රපටයේ ෂාරුක් පණ පොවන්නේ රිස්වාන් ඛාන් නමැත්තාගේ චරිතයටයි. චිත්රපටයේ කතාවට අනුව රිස්වාන් ඛාන් ද ඇමෙරිකන් ආරක්ෂක අංශ අත්අඩංගුවට පත්වේ. ඒ, ඔහු මුස්ලිම් ජාතිකයකු වීමත් අල් කයිඩා සංවිධානයේ සාමාජිකයකු යැයි සැක කිරීමත් නිසාය. යේල් විශ්ව විද්යාලයට ගොස් එහි දේශනය පවත්වමින් ෂාරුක් පෙරේදා රාති්රයේ කියා සිටියේ තමා සුපිරි නළුවකු වුවත් තමා ගැන නොදන්නා අය ද සිටීම ගැන සතුටට පත්වන බවය. සුපිරි රංගන ශිල්පියකු ලෙස නමක් දිනා සිටින තමාට සාමාන්ය පුද්ලයකු වීමට අවස්ථාව ලැබීම ගැන ඇමෙරිකා ආගමන විගමන දෙපාර්තමේන්තුවටත් ආරක්ෂක අංශවලටත් ස්තුති කිරීමට ද ෂාරුක් එම අවස්ථාවේදී අමතක නොකළේය.
ඇමෙරිකා ‘ස්පේස් එක්ස්’ සමාගමේ, ‘පොලාරිස් ඩෝන්’ ගගන සංචාරය, සාර්ථකව අවසන් කරමින්, ඊට සහභාගී වූ සංචාරක ගගනගාමීහු සිවුදෙනා යළි පෘථිවිය බලා පැමිණියහ.
මහ වැසි හේතුවෙන්, මධ්යම සහ නැගෙනහිර යුරෝපා රටවල් රැසක පළාත් බොහොමයක් ජලයෙන් යටවී ඇති බවත්, එම රටවල වැසියන් ලක්ෂ ගණනක් පීඩාවට පත් ව ඇති බවත් විදෙස් මාධ්
යේමනයේ, ඉරාන හිතවාදී ෂියා මුස්ලිම් හවුති සටන්කාමීන් ඊශ්රායලයට මිසයිල ප්රහාරයක් එල්ල කළේය. මිසයිලය පතිත වූයේ මධ්යම ඊශ්රායලයට අයත් ජනශුන්ය ප්රද
‘යාගී’ සුළි කුණාටුවෙන් මියන්මාරයට දැඩි බලපෑම් එල්ල වී ඇති බවත් නොකඩවා ඇද හැලෙන මහ වැසි, ජල ගැලීම් සහ නායයෑම් හේතුයෙන් මියන්මාර වසියන් 100 කට වැඩි ගණනක් ජ
යළිත් වරක්, ඇමෙරිකා හිටපු ජනාධිපති ඩොනල්ඩ් ට්රම්ප්ට වෙඩි ප්රහාරයක් එල්ල විය. එයින් ට්රම්ප්ට කිසිදු අනතුරක් සිදු නොවුණු අතර, වෙඩි තැබීම කළ පුද්ගලයා
පෘථිවියට අලුත් සඳක් එසේත් නැතිනම් චන්ද්රයෙක් එක්වීමට නියමිත බව තාරකා විද්යාඥයෝ පැහැදිලි කරති. මේ අලුත් සඳ දින 53 ක් තිස්සේ ෙපෘථිවිය සමඟ සිටිනු ඇතැයි
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ෂාරුක් ගුවන්තොටේ රඳවා ගත්තාට ඉන්දියාවෙන් ඇමෙරිකාවට දොස්
අලිබබා Monday, 16 April 2012 01:16 PM
ෂාරැක්කාන් ගුවන්තොටුපලේ රදවාගෙන පුශ්නකිරිම ගැන අපිකණගාටු වෙනවා. නමුත් ඉන්දියාව ඇමරිකාවට කඩේ යන නිසා අපි ඒ ගැන සතුටුවෙනවා.
හසිත Wednesday, 18 April 2012 09:27 AM
ෂාරුක් කියන මනුස්සයා රත්තරන් මනුස්සයෙක් එයාට කරදර කරන්න හරිම නෑනේ !!!!!!!!!!!!!!!
මනෝජ් Monday, 16 April 2012 12:13 PM
වැඩි කල් යන්න කලින් ඇමරිකාව දැනගනීවි ශාරුක් කවුද කියලා.