(මොහොමඩ් ආසික්)
එක්සත් ජාතික පක්ෂට බනින අයටත් පක්ෂය විවේචනය කරන අයටයි ගම හදන්න කිසිම සැලැස්මක් නොමැති බවත් ගම හදන සැලසුම ඇත්තේ එක්සත් ජාතික පක්ෂයට පමණක් බවත් එක්සත් ජාතික පක්ෂ නායක සහ අග්‍රාමාත්‍ය රනිල් වික්‍රමසිංහ මහතා කීය.
එළඹෙන පෙබරවාරි මස 10 වනදා පැවැත්වෙන පළාත් පාලන මැතිවරණය වෙනුවේ අකුරණ පූජාපිටිය සහ හාරිස්පත්තුව ප්‍රාදේශිය සභා සඳහා එක්සත් ජාතික පක්ෂයෙන් ඉදිරිපත්ව සිටින අපේක්ෂක අපේක්ෂිකාවන් ප්‍රවර්ධනය කිරීම සඳහා අකුරණ නගරයේ දී අද 28 වනදා සවස පැවැති ජන හමුවක් අමතමින් අගමැති රනිල් වික්‍රම සිංහ මහතා එසේ කීය.
මෙහිදී තව දුරටත් අදහස් දැක්වූ අග්‍රාමාත්‍ය රනිල් වික්‍රමසිංහ මහතා සදහන් කළේ,
මේ වන විට ඇතැම් පිරිස් එජාපයට බනිමින් සහ විචේචනය කරමින් සිටියත් බනින අයට සැලසුම් නැති බවත් විවේචනය කරන අයට සල්ලි නැති බවත් බැන බැන සිටීම හැර වෙන කිසිවක කළ නොහැකි බවත්ය. 2020 වෙකම් අපේ ආණ්ඩුවක් තියෙනවා. අපට සැලසුම් තියෙනවා ඒ වගේම අපිට සල්ලි තියෙනවා යැයිද කී අගමැති රනිල් වික්‍රමසිංහ මහතා ගම දියුණ කරන්න එජාපයට හැකියාව ඇති බවද කීය.
හුඟක් අය කතා කරන්නේ බැදුම්කරය ගැන බවත් බැදුම්කර කොමිසමේ වාර්තාව ගැන කතා කරන්න පාර්ලිමේන්තුව කැඳවන්න කිව්වහම මම එවෙලේම කැඳෙව්වා.ඒ් ගොල්ල ඇවිත් හූ කියලා ගියා. ආපහු මේ කොමිසම් වාර්තා දෙකම සාකච්ඡා කරන්න ඕන කිව්වා . පාර්ලිමේන්තුව රැස්වෙන්නේ 19 වනදා ඊට ඉස්සර රැස් කරන්න පුළුවන් මට අගමැති හැටියට. කතානායක තුමා මට සිදුරාදා ලියුමක් එව්වා අනුර කුමාර දිසානායක මන්ත්‍රිතුමා පාර්ලිමේන්තුව කැඳවන්න කියල තියෙනවා කියලා එතුමා කියල එවල තිබුණා කැමතිනම් මේක කරල දෙන්න කියලා .මම එදා හැන්දෑවෙම කිව්වා අට වනදාට පාර්ලිමේන්තුව කැඳවනව කියලා දැන් කැඳවලා තියෙනවා අපට හංගන්න කිසිම දෙයක් නෑ. පාපිස්ස යන දාන්න දේවල් නෑ.අපි විවෘතව වැඩ කරන්නේ යැයිද අගමැති රනිල් වික්‍රමසිංහ මහතා මෙහිදී කිය.
