ඩයනා උදයංගනී
බැඳුම්කර වංචාව සම්බන්ධයෙන් චෝදනා එල්ල වී ඇති හිටපු මහ බැංකු අධිපති ඇතුළු පිරිස මෙන්ම බරපතල වංචා දූෂණ සෙවීමේ ජනාධිපති කොමිෂන් සභාවෙන් චෝදනා කර ඇති 34 දෙනා සම්බන්ධයෙන් ද අනිවාර්යයෙන්ම නීතිය ක්රියාත්මක වන බව එක්සත් ජාතික පක්‍ෂ ගම්පහ දිස්ත‍්‍රික් පාර්ලිමේන්තු මන්ත්රී කාවින්ද ජයවර්ධන මහතා පැවසීය.
මේ වන විට රටේ අධිකරණයට හෝ වෙනත් කිසිම ආයතනයකට බලපෑමක් එල්ල නොවන බැවින් හා නීතිය අකුරට ක්රියාත්මක වෙමින් පවතින බැවින් කිසිවෙකුත් ඒ සම්බන්ධව අබමල් රේණුවක තරම්වත් සැකයක් තබාගත යුතු නැතැයිද මන්ත‍්‍ර‍්‍රීවරයා සඳහන් කළේය.
මන්ත‍්‍රීවරයා මේ බව පැවසුවේ ‘සිරිකොත’ එක්සත් ජාතික පක්‍ෂ මූලස්ථානයේදී අද (5) පැවති මාධ්‍ය හමුවක් අමතමිනි.
පාර්ලිමේන්තුවේදී හෙට (6) පැවැත්වෙන බැඳුම්කර හා බරපතල වංචා දූෂණ සෙවීමේ ජනාධිපති කොමිෂන් සභා වාර්තාවන් පිළිබඳ විවාදයට එක්සත් ජාතික පක්‍ෂය සූදානම් බව ද මන්ත‍්‍රීවරයා සඳහන් කළේය.
පසුගිය රජයේ දූෂණ වලටත් නීතිය එක ලෙසම - මන්ත්රී කාවින්ද
Recommended Articles
