ඩයනා උදයංගනී
පාර්ලිමේන්තු මැතිවරණ ක‍්‍රමය වෙනස් නොකර විධායක ජනාධිපති ක‍්‍රමය පමණක් වෙනස් කෙරෙන ව්‍යවස්ථා සංශෝධනයකට ශ්‍රී ලංකා නිදහස් පක්‍ෂය සහය දෙන්නේ නැතැයි රාජ්‍ය ව්‍යවසාය සංවර්ධන රාජ්‍ය අමාත්‍ය ලක්‍ෂ්මන් යාපා අබේවර්ධන මහතා පවසයි.
විධායක ජනාධිපතික‍්‍රමය වෙනස් වන්නේ නම් පාර්ලිමේන්තු මැතිවරණ ක‍්‍රමයද වෙනස් විය යුතු බව කී අබේවර්ධන මහතා එසේ නොමැතිව ජනාධිපති ක‍්‍රමය පමණක් වෙනස් කිරීමට සහය දිය නොහැකි බව ද සඳහන් කළේය.
එසේම ජනාධිපති ක‍්‍රමයත් සමඟ ව්‍යවස්ථාව සංශෝධනය කිරීමට නොහැකි වුවහොත් ඉදිරි ජනාධිපතිවරණයේදී ශ්‍රී ලංකා නිදහස් පක්‍ෂ අපේක්‍ෂකයා ලෙස අනිවාර්යයෙන්ම මෛත‍්‍රීපාල සිරිසේන මහතා ඉදිරිපත් කරන බව ද රාජ්‍ය අමාත්‍යවරයා ප‍්‍රකාශ කළේය.
එමෙන්ම පාර්ලිමේන්තු ක‍්‍රමයත් සම`ග ව්‍යවස්ථාව වෙනස් කරනවා නම් එයට ශ්‍රී.ල.නි.පය සහය ලබාදෙන බවද රාජ්‍ය අමාත්‍යවරයා කීවේය.
රාජ්‍ය අමාත්‍ය ලක්‍ෂ්මන් යාපා අබේවර්ධන මහතා මේ බව පැවසුවේ කොළඹ, ඩාර්ලි පාරේ පිහිටි ශ්‍රී ලංකා නිදහස් පක්‍ෂ මූලස්ථානයේදී අද (17) පැවති මාධ්‍ය හමුවකදීය.
පාර්ලිමේන්තු මැතිවරණ ක‍්‍රමයද වෙනස් විය යුතුයි - ලක්‍ෂ්මන් යාපා
Recommended Articles
