(රංජිත් රාජපක්ෂ )
හිටපු ජනපති මහින්ද රාජපක්ෂ මහතා ජාතිවාදය වපුරමින් නැවත මේ රටේ බලය ලබා ගැනිමට උත්සහයක නිරත වෙන බවත් වතුකරයේ දෙමළ ජනතාව සමග එක්ව එය පරාජය කිරිමට ජනතා විමුක්ති පෙරමුණ දිවි හිමියෙන් කටයුතු කරන බවත් ජනතා විමුක්ති පෙරමුණේ නායක අනුර කුමාර දිසානායක මහතා අවධාරණය කරයි.
දිසානායක මහතා මේ බව පැවසුවේ හැටන් කොටගල හින්දු සංස්කෘතික ශාලාවේ දී අද (16) පැවති කඳුරට ජනතා පෙරමුණේ කම්කරු තරුණ පෙරමුණේ මහා සම්මේලනයට සහභාගි වෙමිනි.
“මහින්ද රාජපක්ෂ මහතා බලයට ඒමට වපුරවන ජාතිවාදය පරාජය කිරිමට වතුකරයේ දමිළ ජනතාව සමග එක්වි දිවි හිමියෙන් කටයුතු කරනවා. මේ රටේ ආර්ථික වශයෙන් දැඩි පීඩාවට පත්වි සිටින ජනතාවක් සිටින්නේ වතුකරයේ .ඔවුන් ආර්ථික වශයෙන් ශක්තිමත් කිරිමට වතුකරයේ වෘත්තිය සමිති සමග එක්ව කටයුතු කරනවා.. ගෙන ඒමට යෝජිත නව ආණ්ඩුක‍්‍රම ව්‍යවස්ථාව සෑම ජාතියකටම සම අයිතීන් ලැබෙන ආණ්ඩුක‍්‍රම ව්‍යවස්ථාවක් වන්නේ නම් එම ආණ්ඩුක‍්‍රම ව්‍යවස්ථාව සම්මත කර ගැනිමට ජනතා විමුක්ති පෙරමුණ උපරිම අයුරින් කටයුතු කරනවා“යැයි දිසානායක මහතා ප්‍රකාශ කරයි.
