(ජයන්ත සමරකෝන්)
රටත්, ජනතාවත් විනාශයට පත්වීමට වැළැක්වීමට නම් මේ ආණ්ඩුව අවසන් කළ යුතු යැයි දල අගමැතිවරයාට එරෙහිව විශ්වාසභංග යෝජනාව ගෙන එන්නේ ඒ නිසා යැයි දල ප්‍රජාතන්ත්‍රවාදී වාමාංශික පෙරමුණේ නායක පාර්ලිමේන්තු මන්ත්‍රී වාසුදේව නානායක්කාර මහතා ඊයේ (19 වැනිදා) පැවැසීය.
පාර්ලිමේන්තුවේ බහුතර විශ්වාසය දිනාගත් පුද්ගලයා අගමැති ධුරයට පත් කිරීමටත්ල ඔහුට බහුතරය අහිමිවීමෙන් පසුව ධුරයෙන් ඉවත් කිරීමටත් ජනපතිවරයාට හැකියාව පවතින බව ද බොරැල්ල ආචාර්ය ඇන්. ඇම්. පෙරේරා කේන්ද්‍රයේ පැවැති ප්‍රවෘත්ති සාකච්ඡාවේ දී මන්ත්‍රීවරයා කීය.
සමාජවාදී ජනතා පෙරමුණ විසින් මෙම ප්‍රවෘත්ති සාකච්ඡා සංවිධානය කර තිබිණි.
එහිදී වාසුදේව නානායක්කාර මහතා මෙසේ ද කීය.
සමහර ලේකම්වරුන් කියා ගන්නා පුද්ගලයන් කියනවා විශ්වාසභංග යෝජනාවක් ගේන්න පුළුවන් ආණ්ඩුවට විරුද්ධව පමණයි කියලාග අගමැතිවරයාට විරුද්ධව එහෙම එකක් ගෙනෙන්නට බැහැ කියලා.
ආණ්ඩුවක් ඉවත් කරන්නට ව්‍යවස්ථාවේ අවස්ථා තුනක් තිබෙනවා.
පාර්ලිමේන්තුවේ වැඩි බලයක් අගමැතිවරයාට එරෙහිව නැගී සිටියාට පසු කළ හැකි දෙයක් නැහැ.
2018 වසරේ රටේ ආර්ථීක වර්ධන වේගය දළ දේශීය නිෂ්පාදිතයෙන් සියයට 3ග1 ක් බවටත්, අවසන් කාර්තුවේ එය සියයට 1.3 ක බැස්මක් පැවැති බවටත් ජන හා සංඛ්‍යා ලේඛන දෙපාර්තමේන්තුව සිය වෙබ් අඩවියේ පළකර තිබුණා.
ආණ්ඩුවේ බලපෑමක් මත මෙය වහාම වෙබ් අඩවියෙන් ඉවත් කරලා.
ආණ්ඩුව තම පැවැත්ම උදෙසා රටේ යථාර්ථයත් සත්‍යයත් වෙනස් කරන්නට උත්සාහ දරන ආකාරය එබඳුයි.
මේ අතර අයවැයෙන් පරිබාහිරව රජයේ ගාස්තු හිටිහැටියේ වැඩි කරනවාග ඒ අනුව දුම්රිය ගාස්තු සියයට 15 කින් වැඩි කරලාග තව තවත් වක්‍ර බදු ජනතාව මත පැටවෙනවා.
ආණ්ඩුව සංහිඳියාව ගැන කතා කරනවාග රටේ ජන කොටස් අතර ප්‍රශ්න ඇති කරන සමාජ මාධ්‍ය ජාල පිළිබඳව කිසියම් මැදිහත්වීමක් සිදුකිරීම යුක්ති සහගතයි.
අලුත්ගම සිද්ධියේදී බොදු බල සේනා සංවිධානයේ ඥානසාර හිමි ඊට අදාළ උසිගැන්වීම් කළ බව කවුරුත් දන්නවාග ඒ සම්බන්ධයෙන් කිසිඳු පියවරක් ගත්තේ නැහැ.
ශ්‍රී ලංකාවේ කොමියුනිස්ට් පක්‍ෂයේ උපසභාපති පාර්ලිමේන්තු මන්ත්‍රී චන්ද්‍රසිරි ගජදීර මහතා පසුගියදා පැවැති පළාත් පාලන මැතිවරණයේ ප්‍රතිඵල අනුව රජයත් ජනතාවත් අතර ප්‍රතිවිරෝධය පෙන්නුම් කර තිබෙනවා.
ආණ්ඩුවේ ප්‍රධාන පක්‍ෂ දෙක ඊට පිළියම් නොයොදා පක්‍ෂ අභ්‍යන්තරයේ ප්‍රතිසංස්කරණ ආරම්භ කරලාල තම ඡන්ද පදනම රැක ගන්න හදනවා.
කබල් අශ්වයෝ අයින් කරලා අලුත් අශ්වයෝ තෝරගන්නයි එම පක්‍ෂ නායකයෝ සූදානම් වන්නේ. දුර පනින්නට පුළුවන අශ්වයන් දානොගත්තොත් වැඩක් නැති වෙනවා.
පවතින ධනේශ්වර ක්‍රමයෙන් පිට පැනලා ජනතාවාදී පියවර අනුගමනය කරන්නට වෙන්නේ ඒ අශ්වයන්ටය.ප්‍රතිපත්ති වෙනස් නොකර තනතුරු වෙනස් වෙලා වැඩක් වෙන්නේ නැහැ.
ලංකා සම සමාජ පක්‍ෂයේ ලේකම් මහාචාර්ය තිස්ස විතාරණල සමාජවාදී ජනතා පෙරමුණේ ප්‍රධාන ලේකම් රාජා කොල්ලුරේ යන මහත්වරුද දේශ විමුක්ති ජනතා පක්‍ෂයේ උපසභාපති ගලගම ධම්මරංසි හිමියෝද මෙහිදී අදහස් දැක්වූහ.
