(රන්න චන්ද්‍රසේන ගමගේ)
පක්ෂයේ අර්බුදවලට ලේකම්වරයා පමණක් වගකිව යුතු යැයි තමා විශ්වාස නොකරන බව කෘෂිකර්ම ඇමති මහින්ද අමරවීර මහතා අද (12) බටඅත රජයේ බීජ නිෂ්පාදන ගොවිපලේ හා කෘෂි තාක්ෂණික උද්‍යානයේ නිරීක්ෂණ චාරිකාවකින් අනතුරව මාධ්‍යට අදහස් දක්වමින් පැවසීය.
ලේකම්වරයා ක්‍රියාත්මක කරන්නේ පක්ෂ සභාපතිවරයා වන ජනාධිපති මෛත්‍රීපාල සිරිසේන මැතිතුමා විසින් දෙනු ලබන නියෝග බව ඔහු වැඩිදුරටත් පැවැසීය.
සන්ධානයේ ලේකම්වරයා ඉවත් වියයුතු යැයි පසුගිය දිනවලදී සමහරුන් ප්‍රකාශ කළත්, දැන් ශ්‍රීලනිපයේ ලේකම්වරයාත් ඉවත් විය යුතුයි කියා කීවත් අප ක්‍රියාත්මක කරන්නේ ජනාධිපති මෛත්‍රීපාල සිරිසේන මහතාගේ නියෝග පමණක් බවද අමාත්‍යවරයා මෙහිදී සඳහන් කළේය.
ඉන්ධන මිල වැඩි වීම සියළු ජනතාවට දරු ගත නොහැකි දෙයක් බව රජය තේරුම් ගෙන තිබේ. එහෙත් ඩොලරයේ මිල පාලනය කිරීම සඳහා එම වැඩිවීම කළ යුතුව තිබෙන නමුත් මේ රටේ ධීවර ප්‍රජාවට යම් සහනයක් දියයුතු බව රජයේ ස්ථාවරය වී තිබෙන බවද ඇමැතිවරයා කීය.
