(දයාසීලි ලියනගේ)  

අත්‍යාවශ්‍ය නොවන ආහාර ද්‍රව්‍ය ආනයනය සඳහා පෞද්ගලික බැංකු කීපයකින් ඩොලර් ලබාදී ඇති බව අනාවරණය වී තිබේ.

මේ සම්බන්ධයෙන් මුදල් අමාත්‍යාංශය අදාළ බැංකුවලින් විමසා තිබෙන අතර එහිදී ඔවුන් ප්‍රකාශ කර ඇත්තේ තම ගනුදෙනුකරුවන් ඩොලර් ඉල්ලූ විට එය ලබාදීමට බැංකුවට සිදුවන බව යැයි දැනගන්නට ඇත.  
ගිය වසරේදී මේ ආකාරයට ඩොලර් කෝටි 600 ක භාණ්ඩ ආනයනය කර ඇති අතර ඇමෙරිකානු ඩොලර් මිලියන 384 ක එළවළු, ​ඩොලර් මිලියන 288 ක සීනි හා රසකැවිලි ඩොලර් මිලියන 0.85 ක මී පැණි, ඩොලර් මිලියන 103 ක මිදි, දොඩම්, ඇපල්, ඩොලර් මිලියන 380 ජංගම දුරකථන, ඩොලර් මිලියන 69 ක රූපලාවන්‍ය උපකරණ ආදිය ගෙන්වා තිබෙන බවද අනාවරණය විය.  

පෞද්ගලික බැංකුකරුවන් පිරිසක් සමග රජය විශේෂ සාකච්ඡාවක් පවත්වා ඇති අතර එහිදී මෙම කරුණු අනාවරණය වී ඇත.