රජයේ වෛද්‍ය නිලධාරීන්ගේ සංගමය
(දයාසීලි ලියනගේ)
කොරෝනා වසංගතය අවසන් වෙමින් යන බවට බහුතරයක් ජනතාව තුළ මතයක් ගොඩනැගෙමින් පැවතුනත් පොකුරු ඇතිවිය හැකි අවදානම් ප්‍රදේශ තෝරා ගෙන පී.සී.ආර්. පරීක්ෂණ සමාජ නියැදි මට්ටමින් කළ යුතුව ඇති බව රජයේ වෛද්‍ය නිලධාරීන්ගේ සංගමයේ සහකාර ලේකම් වෛද්‍ය නවීන් ද සොයිසා මහතා කීය.
කොරෝනා එන්නත ලබාදීමත් සමග පී.සී.ආර්. පරීක්ෂණ සිදු කිරීමේ යම් අඩුවක් පවතින බව ද වෛද්‍ය සොයිසා මහතා කීය.
සිංහල අලුත් අවුරුදු සමයේ ජනතාවගේ හැසිරීම මත කොරෝනා තත්ත්වය පිළිබඳව ඉදිරි සති දෙක ඇතුළත දී තොරතුරු ලබා ගත හැකි වෙන බව ද ඔහු ප්‍රකාශ කළේය.
කොරෝනා සම්බන්ධයෙන් පිළිපැදිය යුතු සෞඛ්‍ය උපදෙස් ක්‍රමයෙන් බැහැර වෙමින් පැවතීම තුන්වැනි රැල්ලක ආරම්භය බව ද ඔහු කීය.
