පළාත් පාලන ඡන්දය පවත්වන ලෙස මැතිවරණ කොමිසම වෙත රිට් ආඥාවක් නිකුත් කරන ලෙස ඉල්ලා පාර්ලිමේන්තු මන්ත්‍රීවරුන් පිරිසක් විසින් ගොනුකර තිබෙන පෙත්සම් 2ක් සලකා බැලීම සඳහා ජනවාරි මස 18 ද‌ා කැඳවන ලෙස ශ්‍රේෂ්ඨාධිකරණය නියම කළේය.
එම පෙත්සම් සිකුරාදා ප්‍රියන්ත ජයවර්ධන, කුමුදුනී වික්‍රමසිංහ සහ අචල වෙංගප්පුලි යන මහත්ම මහත්මීන්ගෙන් සමන්විත ශ්‍රේෂ්ඨාධිකරණ විනිසුරු මඬුල්ල ඉදිරියේ කැඳවනු ලැබූ අවස්ථාවේදී මෙම නියෝගය ලබා දුන්නේය.
