(ප්‍රසාද් රුක්මල්)
වැල්ලවාය බෙරගල ප්‍රධාන මාර්ගයේ අයිස්පීල්ල ප්‍රදේශයේ දී ත්‍රීරෝද රථයක් මාර්ගය හරහා පෙරලී ගොස් නවතා තිබූ ත්‍රීරෝද රථයක ගැටීමෙන් එකම පවුලේ අයියා මලෝ තිදෙනකු තුවාල ලබා වැල්ලවාය රෝහලට ඇතුළත් කළ බව කොස්ලන්ද පොලිසිය පවසයි .
හල්දුම්මුල්ල ප්‍රදේශයේ පදිංචි අවුරුදු 22,23,29 වයසේ පසුවෙන අයියා මලෝ තිදෙනකු මෙසේ තුවාල ලබා ඇතැයි පොලිසිය කීය .
මොවුන් හල්දුම්මුල්ල සිට වැල්ලවාය දෙසට ඊයේ (25) රාත්‍රි ත්‍රීරෝද රථයකින් ගමන් කරමින් සිටියදී අයිස් පීල්ල ප්‍රදේශයේ දී එක්වරම ත්‍රීරෝද රථයේ ඇති වූ හදිසි කාර්මික දෝශයක් නිසාවෙන් ත්‍රීරෝද රථය මාර්ගය හරහා පෙරලී ගොස් මාර්ගය අසල නවතා තබා ත්‍රීරෝද රථයක ගැටි නතර වී ඇති බවත් පොලිසිය සදහන් කළේය .
