(අංජුල මහික වීරරත්න)
හිටපු අග්‍රාමාත්‍ය දිනේෂ් ගුණවර්ධන මහතාගේ නායකත්වයෙන් යුත් පොදුජන එක්සත් නිදහස් සන්ධානය ගෑස් සිලින්ඩරය ලකුණ යටතේ මහ මැතිවරණයට තරඟ කිරීමට එකඟතාවයට පැමිණ තිබේ.
පොදු ජන එක්සත් නිදහස් සන්ධානයේ විධායක සභාව කොළඹදී අද(3) රැස්වී මේ සම්බන්ධයෙන් දීර්ඝ ලෙස සාකච්ඡා කොට ඇති අතර එහිදී සාකච්ඡා වී ඇත්තේ මේ පිළිබඳ අවසන් එකඟතාවය හෙට(4) දිනයේදී ලබා ගන්නා බවටයි.
පොදු ජන එක්සත් නිදහස් සන්ධානය දිවයිනේ සියලුම දිස්ත්‍රික්ක සඳහා අපේක්ෂකයන් ඉදිරිපත් කිරීමටද මෙහිදී තීරණය වී තිබේ.
පොදු ජන එක්සත් නිදහස් සන්ධානයේ ජ්‍යෙෂ්ඨ ප්‍රකාශකයෙක් පැවසූයේ හිටපු ජනාධිපති රනිල් වික්‍රමසිංහ මහතාගේ නායකත්වයෙන් යුත් සන්ධානයේ පාර්ශව කරුවෙක් ලෙස බොහෝවිට තම පක්ෂය තරඟ කරනු ඇති බවයි.
