( ෂේන් සෙනෙවිරත්න )
මහනුවර පොලිස් මත්ද්‍රව්‍ය නාශක කාර්යාංශයේ නිලධාරීන් පිරිසක් විසින් පේරාදෙණිය ප්‍රදේශයේ දී සිදුකරන ලද විශේෂ මෙහෙයුමකදී කුෂ් නමැති මත්ද්‍රව්‍ය සහ වේදනානාශක ඖෂධ පෙති සමඟ පුද්ගලයෙකු අත්අඩංගුවට ගෙන තිබේ .
පේරාදෙණිය රණවන ජනපදයේ පදිංචිකරුවෙකු වන 24 හැවිරිදි එම සැකකරු මත්ද්‍රව්‍ය ජාවාරමේ නියැලෙන්නකු බවට පොලිසිය සැක කරන අතර මහනුවර පොලිස් මත්ද්‍රව්‍ය කාර්යාංශයේ නිලධාරීන් සැකකරු පේරාදෙණිය පොලිසියට භාරදී තිබේ .
ඖෂධ වර්ගය වේදනා නාශකයක් වශයෙන් භාවිතා කරන බව පවසන වෛද්‍යවරුන් එය මත්ද්‍රව්‍යවලට ඇබ්බැහි වූවන් මත්වීම සඳහාද භාවිතා කරන බැවින් එය ලොව තහනම් ඖෂධයක් බවට ප්‍රකාශයට පත් කොට තිබෙන බවද කියයි .
