(යොහාන් භාසුර)

මිල ඉහළ දැමූව ද ලාෆ් ගෑස් හිඟය තවමත් දැඩිව පවතින බව පාරිභෝගිකයෝ පවසති.

මෙම තත්වය හමුවේ ‘ලාෆ්’ ගෑස් පාරිභෝගිකයෝ දැඩි අපහසුතාවට පවත්ව සිටින අතර ‘ලිට්‍රෝ’ ගෑස් සමාගම ද අලුත් සිලින්ඩර නිකුත් කිරීම අත්හිටුවීමෙන් ජනතාව තව දුරටත් අපහසුතාවට පත්ව සිටිති.

ලාෆ් ගෑස් සමාගම පවසන්නේ ඩොලර් ප්‍රශ්නය හේතුවෙන් ගෑස් ආනයනය කිරීමට නොහැකි වී සිටින බවයි.

ලාෆ් ගෑස් සමාගමේ කිලෝග්‍රෑම් 12.5 ක ගෘහස්ථ ගෑස් සිලින්ඩරයක මිල රුපියල් 363 කින් සහ කිලෝග්‍රෑම් 5 කුඩා ප්‍රමාණයේ ගෑස් සිලින්ඩරයක මිල රුපියල් 143 ක් කින් ඉහළ දැමීමට පාරිභෝගික කටයුතු අධිකාරිය පසුගිය අගෝස්තු මස 12 වැනිදා අවසර දුන්නේය.

ඒ අනුව රුපියල් 1493 ක්ව පැවැති කිලෝග්‍රෑම් 12.5 ක ගෘහස්ථ ලාෆ් ගෑස් සිලින්ඩරයක මිල රුපියල් 1,856 ක් දක්වා ද, රුපියල් 600 ක්ව පැවැති කිලෝග්‍රෑම් 5 කුඩා ප්‍රමාණයේ ලාෆ් ගෑස් සිලින්ඩරයක මිල රුපියල් 743 ක් දක්වා ද, ඉහළ ගියේය.