(මනෝප්‍රිය ගුණසේකර)
එක්සත් ජාතීන්ගෙන් මෙරටට ලබාදුන් ජිප් රථයක් පුද්ගලික පරිහරණයට යොදා ගැනීමේ චෝදනාවට වරද පිළිගත් හිටපු අමාත්‍ය ඒ.එච්.එම්.ෆවුසිට වසර දෙකක සිරදඬුවමක් නියම කළ කොළඹ මහාධිකරණ විනිසුරු නවරත්න මාරසිංහ මහතා එය වසර 10කින් ගෙවී යන අන්දමට ලිහිල් කිරීමට නියම කළේය.
මෙම නඩුව විභාගයට ගත් අවස්ථාවේම තමන් අදාල චෝදනාමට වරදකරු බව හිටපු අමාත්‍ය ෆවුසි මහතා අධිකරණයට දැනුම් දුන්නේය.
සැකකරුගේ වයෝ වෘද්ධ භාවයත් මුල් අවස්ථාවේදීම වරද පිළිගැනීමත් සැලකිල්ලට ගත් විනිසුරුවරයා විත්තිකරුට පැනවූ බරපතල වැඩ සහිත සිරදඬුවම අත්හිටුවීමට තීරණය කළේය.
