(යොහාන් භාසුර )
ඉන්දියාවේදී දැන් පැවැත්වෙන ලෝක කුසලාන එක්දින ක්‍රිකට් තරඟාවලියේදී ශ්‍රී ලංකා කණ්ඩායම ලැබූ අසාර්ථකත්වයට එල්.පී.එල්. තරගාවලි කිසිදු බලපෑමක් නොකළ බවත් ඊට අමතරව වෙනත් කිසිදු පුද්ගලයකුගෙන් හෝ පාර්ශ්වයකගෙන් බලපෑමක් නොවූ බවත් එම ලෝක කුසලාන තරගාවලියට සහභාගි වූ කණ්ඩායමේ නිත්‍ය නායක දසුන් ශානක අද (12) පැවසීය.
ලෝක කුසලාන තරගාවලිය සාර්ථකව අවසන් කිරීමට කණ්ඩායම බලාපොරොත්තුවෙන් සිටිය ද අවාසනාවකට එය ඉටුකර ගැනීමට නොහැකි වූ බවත් ඉදිරියේදී කණ්ඩායම් සාර්ථක වනු ඇතැයි බලාපොරොත්තු වන බවත් දසුන් වැඩිදුරටත් සඳහන් කළේය.
ශ්‍රී ලංකා ක්‍රිකට් ආයතනයේදී අද පැවති විශේෂ මාධ්‍ය හමුවේදී දසුන් ශානක එසේ පැවසීය.
