(අංජුල මහික වීරරත්න)
රටේ ආර්ථිකය බේරන්න ගියොත් මිනිසුන් තරහ කරගන්න සිදුවන බව හිටපු ජනාධිපති එක්සත් ජාතික පක්ෂ නායක රනිල් වික්‍රමසිංහ මහතා එජාප නිලධාරීන් හමුවේ ප්‍රකාශ කර තිබේ.
මිනිසුන් බේරන්න ගියොත් අයි.එම්.එෆ් තරහ කරගන්න සිදුවන බව කියා ඇති ජනාධිපතිවරයා අයි.එම්.එෆ් තරහ උනොත් රටේ ආර්ථිකය අන්ත අගාධයකට ඇද වැටෙන බව සඳහන් කර ඇත.
තමාගේ මූලික අරමුණ වූයේ රටේ ආර්ථිකය බේරා ගැනීම බව සඳහන් කර ඇති ජනාධිපතිවරයා ජාත්‍යන්තර මූල්‍ය අරමුදල විසින් දැඩි කොන්දේසි පැනවීමේ අරමුණ ද රටේ මූල්‍ය ස්ථාවරත්වය ඇති කිරීම බව පෙන්වා දී තිබේ.
ජනතාව ඒ සත්‍ය කාරණය වටහා ගත යුතුව තිබෙන්නේ යැයිද ජනාධිපතිවරයා පැවසීය.
කොළඹ මල් පාරේ දේශපාලන කාර්යාලයේ එජාප නිලධාරී හමුවකදී හිටපු ජනාධිපතිවරයා මේ බව සඳහන් කර ඇත.
