(බිමල් ශ්‍යාමන් ජයසිංහ)
ඉන්ධන ප්‍රවාහනය කරමින් තිබූ බවුසරයක් දක්ෂිණ අධිවේගී මාර්ගයේ කිලෝමීටර් 66 දශම 9 කුරුදුගහහැතැක්ම ප්‍රදේශයේදී අද අලුයම ගිනිගෙන සම්පූර්ණයෙන් විනාශ වූ බව දක්ෂිණ අධිවේගී රථවාහන පොලිසිය කියයි
කොට්ටාව දෙස සිට මීටියාගොඩ දක්වා ධාවනය කරමින් තිබූ තෙල් බවුසරය පසු කර මෝටර් රථයක් ඉස්සර කිරීමට යාමේදී එම වහන දෙක එකිනෙක ගැටීමත් සමඟ බවුසරය මාර්ගයේ වම් පැත්තට ගැනීමේදී මාර්ගයෙන් ඉවතට පැන ගල්තලාවක ගැටීමෙන් අනතුරුව මෙම ගින්න හටගෙන තිබූ බව පොලිසිය කියයි
සිදුවූ අනතුරෙන් රියැදුරු සහ සහායකයා තුවාල ලබා ඇති බව ද බවද පොලිසිය සඳහන් කරයි ,එම දෙදෙනා නාගොඩ රෝහල වෙත ඇතුළත් කර ඇත
ගින්නත් සමග ම ඒ ආසන්නේ අධිවේගී මාර්ගයේ ධාවන කටයුතු පැයකට ආසන්න කාලයක් තාවකාලිකව නතර කළ බව පොලිසිය කියයි
(මාඝගේ සුසිල් ප්‍රියන්ත)
