(ශාන්ත රත්නායක)
‘‘අද මේ රටට දියුණු වෙන්නනම් පුහුණු, උපාධිය, ඩිප්ලෝමා ලැබුණු ගුරුවරු අවශ්‍යයයි .ගුරුවරු නැතිනම් මිනිස් සම්පත දියුණු කරන්න බැහැ. මිනිස් සම්පත් නැතිව රට දියුණු කරන්න බැහැ‘‘ යැයි අගමැති රනිල් වික්‍රමසිංහ මහතා අද(20) අරලියගහ මන්දිරයේ පැවැති ජාතික ශික්ෂණ විද්‍යා ඩිප්ලෝමාධාරීන් සදහා ගුරු පත්වීම් ලබාදීමේ උත්සවයක දී පැවසීය.
‘‘ඒ වගේම අපේ රට ඉන්දියාවේ කේන්ද්‍රස්ථානය වෙන්න පුළුවන්, ධනවත් ආර්ථිකයක් ඇති රටක් පුළුවන් අධ්‍යාපනය තිබෙනවානම් පමණයි. එකම සම්පත මේ රටේ ජනතාව. ඒ නිසා ඒ සම්පතෙන් උපරිම ප්‍රයෝජනය ලබා ගන්න ඔබ කටයුතු කළ යුතුයි‘‘ යැයි ද එහිදී අගමැතිවරයා කීවේය.
