(අනීෂා මානගේ)
හිටපු උප කථානායකවරයකු වන දිවංගත ඩී.ඒ.රාජපක්ෂ මහතාගේ 52 වැනි ගුණසමරු උත්සවය අද (6) හිටපු කතානායක චමල් රාජපක්ෂ මහතාගේ සහ පාර්ලිමේන්තු මන්ත්‍රීවරුන්ගේ ප්‍රධානත්වයෙන් තංගල්ලේ දී සිදු කෙරිණි.
තංගල්ල නගරයේ මහවෙල මාර්ගයේ ඉදිකර ඇති ඩී.ඒ.රාජපක්ෂ මහතාගේ පිළිරුව අසලදී මෙම උත්සවය පැවැත්විණි.
එම අවස්ථාවට හිටපු කතානායක චමල් රාජපක්ෂ, ශිරන්ති රාජපක්ෂ මහත්මිය, එක්සත් ජනතා නිදහස් සන්ධානයේ මහ ලේකම් මහින්ද අමරවීර, හම්බන්තොට දිස්ත්‍රික් පාර්ලිමේන්තු මන්ත්‍රීවරුන් වන නාමල් රාජපක්ෂ, ඩී.වී.චානක මහත්වරු ද හිටපු පළාත් සභා මන්ත්‍රීවරු රැසක් ද ප්‍රාදේශීය සභා මන්ත්‍රීවරු සහ ප්‍රදේශවාසීහු ද පාසල් දරු දැරියෝ ද සහභාගී වූහ.
හිටපු කතානායක චමල් රාජපක්ෂ මහතා ඇතුළු පිරිස ඩී.ඒ.රාජපක්ෂ මහතාගේ පිළිරුව අසළ මල් කළඹක් බැගින් තබා ඩී.ඒ.රාජපක්ෂ මහතාගේ ගුණ සිහි කළ අතර දකුණු පළාත් සභාවේ සභාපති සෝමවංශ කෝදාගොඩ, හිටපු පළාත් සභා මන්ත්‍රී කපිල දිසානායක සහ ඩී.ඒ.රාජපක්ෂ ගුණ සමරු කමිටුවේ ලේකම් උපුල් දිසානායක මහත්වරුන් කුරහන් පැහැති මල් මාලයක් ඩී.ඒ.රාජපක්ෂ මහතාගේ පිළිරුවට පළන්දනු ලැබීය.
