(හැටන් රංජිත් රාජපක්ෂ)
මධ්‍යම පළාත් දමිල සාහිත්‍ය උළෙල අද (22) හැටන් නගරයේදී අභිමානවත් ලෙස ආරම්භ කරනු ලැබීය.
මධ්‍යම පළාත් හින්දු අධ්‍යාපන අමාත්‍යාංශය හා මධ්‍යම පළාත් හින්දු සංස්කෘතික අමාත්‍යංශය මෙම දමිල සාහිත්‍යය උළෙල සංවිධානය කර තිබිණි.
පාසල් ළමුන් විශාල පිරිසකගේ සහභාගීත්වයෙන් හැටන් මල්ලිඅප්පුව මංසන්ධියෙන් ආරම්භ කල සාහිත්‍යය උළෙලේදී පාසල් ළමුන් විසින් හින්දු සංස්කෘතිය විදහා දැක්වෙන සංස්කෘතික අංග ගණනාවකින් සමන්විත පෙළපාලසියක් හැටන් නගර මධ්‍යයෙන් හැටන් ඩි.කේ.ඩබ්ලිව් ශාලාව වෙත ගමන් කෙරිණි.
මධ්‍යම පළාත් හින්දු අධ්‍යාපන හා හින්දු සංස්කෘතික අමාත්‍ය මරදපාණ්ඩි රමේවරන්ගේ ආරාධනයෙන් මධ්‍යම පළාත් ප්‍රධාන අමාත්‍යය සරත් එකනායක, ශ්‍රි ලංකා ඉන්දියානු සහකාර මහ කොමසාරිස් දේරෙන්ද්‍ර සින් මහතා ඇතුළු මධ්‍යම පළාත් සභා මැති ඇමතිවරුන් සහ රාජ්‍යය ආයතන නිලධාරින් රැසක් සහභාගි විය.
