(ඩබ් ඒ පියතිලක)
ඓතිහාසික සිගිරිය අසන්නයේ පිහිටි මොරගස්වැව වනාන්තර රක්ෂිතයේ පිහිටි දෙහිඅත්තාව වැව ඉස්මත්තේ ඇති පෞරාණික ගල් තලාව සහ පොකුණ නිධන් සොරුන් විනාශ කර ඇත.
එහෙන්ම වනරක්ෂණ නිළධාරින්ට සහ ආරක්ෂක අංශ වෙත දැනුම් දුන්නත් කිසිවෙකු කිසිදු ක්‍රියා මාර්ගයක් නොගැනිම ගල් තලාව පමණක් නොව එහි සිටින ගහකොළ සතා සිවුපාවා මේ වන විට විනාශයට පත්ව ඇති බව අවට ගැමියෝ පවසති.
රාත්‍රි කාලයේ දී මෙම ගල්තලාව තුල පිහිටි පොකුණු ඇතුළු සෑම ස්ථානයක්ම ගල් විදින ස්වයංක්‍රිය ආයුධ රැගෙන ගොස් විද කපා විනාශ කර ඇති බව ගැමියෝ කියති.
මෙම ගල මත මේ වන විට ගල් විදින ස්වයංක්‍රිය උපකරණ යොදාගෙන අඩි ගණනක් විශාල වළක් ද හරා ඇත.
නිධන් ගැනිමට පැමිණෙන පුද්ගලයින් විසින් සතුන් දඩයම් කිරිම වටිනා දැව කපා ජාවාරම් ද සිදුකරන බව තොරතුරු අනාවරනය වි ඇත.
