(නිමල කොඩිතුවක්කු)
ජාතික රජය බළයට පත්වී ගතවූ වසර තුනක කාළය තුළ රටේ සියලූම ජනතාවට නිදහසේ හුස්ම ගත හැකි රටක් නිර්මාණය වී ඇතැයි ස්වදේශ කටයුතු රාජ්‍ය අමාත්‍ය ජේ. සී අලවතුවල මහතා කොළඹදී පැවසීය.
එම කාළය තුළදී රට සෑම ක්ෂේත‍්‍රයකින්ම ඉදිරියට ගෙන ඒමට වත්මන් රජයට හැකිවූ බවත් ’’ගම් පෙරළිය’’ ආදී වැඩසටහන් මගින් ඉදිරි වසර දෙකක කාළය තුළ රටේ සංවර්ධනයක් තවදුරටත් වේගවත් වනු ඇතැයිද රාජ්‍ය අමාත්‍යවරයා සඳහන් කළේය.
පිටකෝට්ටේ පිහිටි සිරිකොත එක්සත් ජාතික පක්ෂ මූලස්ථානයේ අද(15) පැවති මාධ්‍ය හමුවකට එක්වෙමින් ඒ මහතා මේ බව පැවසිය.
මාධ්‍ය හමුවේ අදහස් දැක්වූ ස්වදේශ කටයුතු රාජ්‍ය අමාත්‍ය ජේ. සී අලවතුවල මහතා වැඩිදුරටත් මෙසේද කීවේය.
‘‘ලබන 17 වනදාට යහපාළන රජයට වසර 03ක් සපිරෙනවා. මෙම වසර තුනක කාළය තුළ රටේ සියලූම ජනතාවට නිදහසේ හුස්ම ගන්න පුලූවන් වසර තුනක් නිර්මාණය වෙලා තියෙනවා. ඒ නිසා අපි මේ වසර තුනට‘‘හුස්ම ගත්ත වසර තුනක්’’ කියලා කියනවා.
2015 ජනවාරි 08 වනදා අපි මේ ආන්ඩුව භාර ගන්න විට රටක් විදියට අපි ඉතාමත් අපහසු තැනක හිටියේ. ජාත්‍යන්තර වශයෙන් ගත්තම ජගත් සංවිධානය අපි කොන් කරලා හිටියේ. ජගත් සංවිධානයේ මානව හිමිකම් කවුන්සිලය අපි ඉතා අසීරු තත්වයකට පත් කරලා තිබුනා.
පසුගිය රාජපක්ෂ පාළන සමයේදදී මාධ්‍ය වේදීන් ගණනාවක් ඝාතනය කලා. මාධ්‍යවේදින්, වෘත්තිකයන් මේ රට හැර ගියා. රතුපස්සල ජනතාව පානීය ජලය ඉල්ලලා උද්ඝෝෂනය කරද්දි එතනට හමුදාව දාලා ඒ ජනතාව ඝාතනය කළා.
කටුනායකදි තරුණයන් ඝාතනය කලා. හලාවතදි ධීවරයන් ඝාතනය කලා. මෙම තත්වයක් තමයි එදා රටේ තිබුනේ. අද මිනිස්සුන්ට නිදහසේ හුස්ම ගන්න පුලූවන් වාතාවරනයක් අපේ රජය නිර්මාණය කරලා තියෙනවා
අද යහපාළන රජය තුළ ඕන තරම් උද්ගෝෂණය කරන්න, වර්ජනය කරන්න අවස්තාව ලබා දිලා තියෙනවා. අපි කාටවත් වෙඩි තියලා කාවවත් මරා දාලා නැහැ. අද ජනතාවගේ අයිතිවාසිකම්, ප‍්‍රජාතනන්ත‍්‍රවාදය අපි සුරක්ෂිත කරලා තියෙනවා.
මෙයට අමතරව අපේ රජය මගින් ජනතාවට සහන ගණනාවක් ලබා දීලා තියෙනවා. අපේ රජය පත්වුන වහාම ඉන්ධන මිල විශාල මුදලකින් පහත දැමිමට කටයුතු කළා.
