ඇමැති හර්ෂ ද සිල්වා
(නිමල කොඩිතුවක්කු)
ඉදිරි ජනාධිපතිවරණයේ අපේක්ෂකයා ලෙස එක්සත් ජාතික පක්ෂයේ නිෙයා්ජ්‍ය නායක අමාත්‍ය සජිත් ප්‍රේමදාස මහතාට එක්සත් ජාතික පෙරමුණ් නායකයින්ගේ සම්පූර්ණ සහාය හිමිව ඇතැයි පොදු සැපයීම් හා ආර්ථික ප්‍රතිසංස්කරණ කැබිනට් නොවන අමාත්‍ය හර්ෂ ද සිල්වා මහතා ඉරිදා ලංකාදීපයට පැවසීය.
ඒ අනුව එක්සත් ජාතික පෙරමුණේ නායකයින් වන රවුෆ් හකීම්, රිෂාද් බදියුදීන්, පාඨලී චම්පික රණවක, මනෝ ගනේෂන් ඇතුලු නායකයින් සජිත් ප්‍රේමදාස මහතාට සහයෝගය ලබාදීමට පූර්ණ කැමැත්ත පළ කර ඇතැයිද ඔහු කියා සිටියේය.
එක්සත් ජාතික පක්ෂයේ නායක අග්‍රාමාත්‍ය රනිල් වික්‍රමසිංහ මහතාගේ එකඟතාවය ලබා ගැනීමෙන් පසු රනිල් සජිත් සුසංයෝගයෙන් ඉදිරි ජනාධිපතිවරණය ජය ගැනීම සඳහා පක්ෂයේ සියලු දෙනා එක්කාසු කරගන්නා බවත් ඔහු සඳහන් කළේය.
ජනාධිපතිවරණ අපේක්ෂකයා ලෙස සජිත් ප්‍රේමදාස මහතාට සහයෝගය ලබා ගැනීම පිළිබඳ සිවිල් සමාජ ක්‍රියාකාරින් සහ අනෙකුත් දේශපාලන පක්ෂ සමග ඉදිරි දිනවලදී සාකච්ඡා කිරීමට කටයුතු කරන බවත් අමාත්‍ය හර්ෂ ද සිල්වා මහතා වැඩිදුරටත් පැවැසීය.
