මේ චිත්‍රපටය ඔබට මට කියන්නේ මිනිසෙකුගේ ජීවිතයේ අන්ත දෙකක් ගැන. මිනිසෙකුට වාහනයක් තිබුනාට, කන්න බොන්නට තිබුනාට ඔවුන්ගේ ජීවිත ඇතුළතින් කොතෙක් දුරට ඔවුන් විඳවනවාද, ඒ විඳවීම් තුළ එය නොපෙන්වා සිටින්නට ඔවුන් කොතෙක් උත්සාහ කරනවාද යන්න පිළිබඳ අජන්තාගේ මේ සිනමා කතාව තුළ විග්‍රහ කෙරෙනවා.
මේ එය පිබඳව එහි අධ්‍යක්ෂිකා අජන්තා විජේවර්ධන කියන කතාව.
“අපෙන් එහා පැත්තෙ වාහනයක යන මනුස්සයෙක් දැකලා අපි හිතනවා ඔහු සතුටින් ඉන්නවා කියලා. මේ මොහොතේ ලංකාවෙ මධ්‍යම පාන්තිකයෝ පොඩි අයිසින් ගාගත්තු ෆැන්ටසියක ඉන්නවා. ගයාන් කියන්නෙත් ඒ වගේ මනුස්සයෙක්. ඒත් ඔහුගේ ජීවිතයේ විවිධ හැලහැප්පීම් තියෙනවා. එයින් පීඩා විඳින්නෙ ඔහුගේ දරුවා. මේ මොහොතේ ලංකාවේ මධ්‍යම පාන්තික ජීවියා තමයි මට එතනදි දැනෙන්නේ. ඒ ඔහුගේ ජීවිතය. මෙතනින් එන්න ඕන අවසන් තීරණය තමයි සිස්ටම් එක කියන නිසා තමුන්ගේ තීරණ ගන්න ඕන නැහැ. මේක මගේ චිත්‍රපට අධ්‍යයන කටයුත්තේ අවසන් විභාගය වෙනුවෙනුයි නිර්මාණය කළේ.”
චිත්‍රපටයේ අවසානය එක්වරම නතරවේයැයි ඔබට හැගුනත් මේ සියල්ල චක්‍රයක් බවත්, මෙය මධ්‍යම පාන්තිකයාට පොදු කතාවක් බවට ඔබට දැනෙනු ඇත. එතුළ ඔබ ඔබේ ජීවිතයට දේවල් ලං කරගත යුත්තේ සිස්ටම් එකේ හෝ අනෙකාගේ බලපෑමකට හෝ නියමයකට අනුව නොව ඔබේ ස්ව කැමැත්තට බව ඔබට පසක් වනු ඇත.
ප්‍රධාන රංගනය
- ගයාන් ලක්රුවන්
- අන්ගීසා ගුණසේන
- වත්සලා රණසිංහ
- සාෂා කරුණාරත්න
කතාව
- පියල් කාරියවසම්
තිරරචනය සහ අධ්‍යක්ෂණය
- අජන්තා විජේවර්ධන
කැමරාකරණය
- විශ්වජිත් කරුණාරත්න
රචින්ත ජයවර්ධන
