‘මා අසනීපවී සිටීදැයි විමසමින් පසුගිය දිනවල දුරකථන ඇමතුම් ගණනාවක් ලැබුණා. එක්තරා වෙබ් අඩවියක් මට අංශභාගය හැදිලා කියලා වාර්තා කර තිබුණා. එය වාර්තා කර තිබූ කෙනා කවුරු වුණත් එයාගෙන් අහන්න ඕනේ මට අංශභාගය හැදිලාද නැද්ද කියලා‘ යැයි හිටපු ජනපතිනි චන්ද්‍රිකා බණ්ඩාරනායක කුමාරතුංග මහත්මිය අවතැන්වූවන්ට ආධාර බෙදා දෙමින් වතුපිටිවලදී පැවසුවාය.
ශ්‍රී ලංකා නිදහස් පක්ෂය හිටපු ආරක්ෂක ලේකම් ගෝඨාභය රාජපක්ෂ මහතා බලයට ගෙන ඒමට උත්සාහ කරනවානම් තමා රජය සමග නොසිටින බව ද ඇය කීවාය.
‘අපි මේ රජය බලයට ගෙනාවේ ක්‍රම ක්‍රමයෙන් රටේ තිබෙන දූෂණය අතුගා දැමීමට. ශ්‍රී ලංකා නිදහස් පක්ෂය ගෝඨා බලයට ගෙනඒමට උත්සාහ කළොත් තවදුරටත් අපි රජය සමග ඉන්නේ නෑ.‘
ගංවතුර හා නායයෑම් තත්ත්වයෙන් ලක් වැසියන් පීඩාවට පත්වූ සමයේ තමා දරුවන් සමග පිටරට සිටි බවත් පීඩාවට පත් ජනතාව වෙනුවෙන් යමක් කිරීමට තමා ශ්‍රී ලංකාවට යළි පැමිණි බවත් ඇය කීවාය.
