අගමැති රනිල් වික්‍රමසිංහ මහතා සමඟ සාකච්ඡාවකින් පසු වරාය සේවක වර්ජනය හා උපවාසය අද දහවල් අවසන් විය.
වාර්ෂික ප්‍රසාද දීමනා වැඩි කිරීම ඇතුළු ඉල්ලීම් කිහිපයක් මුල් කරගෙන මෙම වෘත්තීය ක්‍රියාමාර්ගය ගෙන තිබිණි.
මෙවර අවුරුදු ප්‍රසාද දීමනාවේදී කපා හරින ලෙස රුපියල් 5170 හෙට දින ලබාදීමටත්, ජයබහලු පර්යන්තයේ දිරි දීමනා ප්‍රශ්නයට මාස දෙකක් ඇතුළත විසඳුම් ලබා දීමටත් අගමැති පොරොන්දු වූ බව වරාය වෘත්තිය සමිති සන්ධානයේ සම කැඳවුම්කරු ප්‍රසන්න කළුතරගේ මහතා පැවසීය.
ජාතික සේවක සංගමය හා ශ්‍රී ලංකා නිදහස් පක්ෂයේ සමිති ද වර්ජනයට එක්ව සිටියේය.
