අගනුවර තරුණ කවි සමාජයේ (අ.ත.ක.ස) 81 වැනි සංවත්සරය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් කොළඹ බස්නාහිර පළාත් සෞන්දර්ය නිකේතනයේදී පැවැත්විණි.
ජනපති එහිදී කවි කථාවක් කළේය.
අතකස අබිමන් සම්මානිත හරසර පිදුම් සම්මාන ප්‍රදානෝත්සවය ද පැවැත්විණි.
ජ්‍යෙෂ්ඨ මාධ්‍යවේදී හලලියේ කරුණාතිලක, විමල් රූබසිංහ, සරත් විමලසිරි යන මහත්වරු කිවිපති පදවියෙන් ද දිමිත්‍රා රත්නායක මහත්මිය ගීපති පදවියෙන්ද කිවියර පිදුම් ලැබූ අතර විමලසිරි පෙරේරා අනුස්මරණ සම්මානය අනුරාධ හිරිපිටියගේ මහතාට ද නර්තනපති සම්මානය චන්දන වික්‍රමසිංහ මහතාටද මහාකවි බොරලැස්ගමුවේ ජී.එච්.පෙරේරා අනුස්මරණ සම්මානය මාධ්‍යවේදී හරීන්ද්‍ර ජයලාල් මහතාට ද කිවිපති සේසිරි විජේසේකර අනුස්මරණ සම්මානය සහන් රන්වල මහතාටද කිවියර විල්සන් හෑගොඩ අනුස්මරණ සම්මානය මාධ්‍යවේදී ගාමින්ද ප්‍රියවිරාජ් මහතාටද හිමිවිය.
