කුරුණෑගල මකුල්පොත පාලමගම දී අතරමංව සිටියදී සොයාගත් මාස 4 ක් පමණ වයසැති කබැල්ලෑ පැටවකු පිබිදුනගම වනජීවී අඩවි සහකාර කාර්යාලයයට භාරදී ඇත.
එච්. එම්. හේරත් මහතා මෙම කබැල්ලෑ පැටවා සොයාගෙන ඇති අතර වනජීවී ඇමැතිවරයාගේ අනුමැතිය මත සත්ත්වයා පින්නවල සත්වෝද්‍යානයට භාර දිමට තීරණය කර තිබේ.
ඈයා ලෙසද හඳුන්වන කබැල්ලෑවා ශ්‍රි ලංකාවේ වියළි කලාපයේ ද තෙත් කලාපයේද ජීවත්වන සතෙකු වන අතර වඳවී යන සතකු ලෙස රතු දත්ත පොතට ඇතුළත්ව ඇත.
ඇඟේ ලොම් නැති එකම ක්ෂීරපායී සත්වයාද කබල්ලෑවාය.
කබැල්ලෑවා 2009 අංක 22 දරන වන සත්ව හා වෘක්ෂලතා ආරක්ෂක ආඥා පනත යටතේ දැඩි ආරක්ෂිතව සංරක්ෂණය කරන සතෙකි.
