අතුරුදන්වූවන් පිළිබඳ කාර්යාලය පිහිටුවීමේ පනත් කෙටුම්පත සම්මත වීම පිළිබඳ බි‍්‍රතාන්‍ය රජය සිය ප‍්‍රසාදය පළ කර ඇතැයි එරට විදේශ හා පොදුරාජ්‍ය කටයුතු ලේකම් කාර්යාලය නිකුත් කළ නිවේදනයක සඳහන් වේ.
ශ්‍රී ලංකාව සංහිඳියාව කරා යන ගමනේ දී මෙය ඉතා වැදගත් ඉදිරි පියවරක් වන බව එහි සඳහන්ය.
අතුරුදන්වූවන් පිළිබඳ කාර්යාලය පිහිටුවීමේ පනත ක‍්‍රියාවට නැංවීම තුළින් සිය නෑ හිතවතුන් අහිමි වූ දිවයිනේ සෑම ප‍්‍රදේශයකම ජනතාවට සෙතක් සැලසෙනු ඇතැයි තමන් විශ්වාස කරන බවද බි‍්‍රතාන්‍ය රජය නිකුත් කළ එම නිවේදනයේ සඳහන් වේ.
පනත සම්මත වීම පිළිබඳව බි‍්‍රතාන්‍යයේ ක‍්‍රියාත්මක ගෝලීය ද්‍රවිඩ සංසදය ද සිය ප‍්‍රසාදය පළ කර ඇත.
