අන්තර් විශ්ව විද්‍යාලයීය ශිෂ්‍ය බල මණ්ඩලයේ විරෝධතා පාගමනේදී අත්අඩංගුවට ගත් සිසුන් දෙදෙනා හා සිසුවිය කොළඹ කොටුව මහේස්ත්‍රාත් අධිකරණයට අද පස්වරුවේ ඉදිරිපත් කැරුණු අතර බ්‍රහස්පතින්දා (16) දක්වා රිමාන්ඩ් කිරීමට වැඩබලන මහේස්ත්‍රාත් ජයන්ත ඩයස් නානායක්කාර මහතා නියෝග කළේය.
කැලණි සරසවියේ ශිෂ්‍ය මර්දනය නවතන ලෙසත් අත්අඩංගුවට ගත් සිසුන් වහා නිදහස් කරන ලෙසත් ඉල්ලමින් අන්තර් විශ්ව විද්‍යාල ශිෂ්‍ය බල මණ්ඩලය අද පස්වරුවේ මරදාන තාක්ෂණ විද්‍යාල මන්සන්ධියෙන් විරෝධතා පාගමනක් ඇරඹූ අතර උසාවි නියෝගය නොතකා කොළඹ ජනපති ලේකම් කාර්යාලය කරා ඔවුහු පාගමනින් යද්දී පොලිසිය කඳුළු ගෑස් හා ජල ප්‍රහාර එල්ල කළේය. එහිදී පොලිස් අණ නොතකා හැසිරුණු සිසුන් තිදෙනකු හා සිසුවියක අත්අඩංගුවට පත්විය.
