ඇමරිකාවේ ලොස්ඇන්ජලීස් නුවර මගුල් ගෙදරකි. රාජපක්ෂ පවුලේ හිතවතකුගේ දියණියක පසුගිය ජූනි 24 වැනිදා යුග දිවියට ඇතුළු වූවාය. ආරාධිතයෝ 500ක් පමණ එහි වූහ.
මහින්ද රාජපක්ෂ මහතාගේ පවුලේ සමීපතමයෝ රැසක්ම ලොස්ඇන්ජලීස් නුවරට පැමිණ සිටියහ. හිටපු ආරක්ෂ ලේකම් ගෝඨාභය රාජපක්ෂ මහතා ශ්‍රී ලංකාවට එන්නට පෙර පදිංචිව සිටියේ ලොස්ඇන්ජලීස් නුවරයි. මගුල් ගෙදර අමුත්තෙක් විශේෂ නිවේදනයක් කළේය. මේ මගුල් ගෙදරට විශේෂ අමුත්තකු ඔහුගේ බිරිය සමග පැමිණ සිටිනවා. ගෝඨාභය රාජපක්ෂ මෙහි ඇවිල්ලා. ඔහු කීවේය. ඒ හුස්මටම ඔහු තවත් දෙයක් කීවේය. ‘ශ්‍රී ලංකාවේ අනාගත ජනපති‘ යනුවෙන් ඔහු පැවසීය. ඔහු එසේ කීවේ ගෝඨාභය ගැනය.
