අම්බලන්ගොඩ පොලිස් ලොක්කෙකුගේ හිතවතෙකු වු ව්‍යාපාරිකයකුට රථ වාහන වරදකට දඩ කොලයක් නිකුත් කළ පොලිස් නිලධාරින් දෙදෙනෙකුට ස්ථාන මාරු ලබා දීමේ සිද්ධිය පිළිබද පොලිස්පති පුජිත් ජයසුන්දර මහතාගේ නියමයෙන් පරික්‍ෂණයක් ආරම්භ කර ඇතැයි දකුණු පළාත් ජ්‍යෙෂ්ඨ නියෝජ්‍ය පොලිස්පති කාර්යාලය කියයි.
ගාල්ල ජ්‍යෙෂ්ඨ පොලිස් අධිකාරි කාර්යාලයේදී අද (27) පැවති රැස්වීමක දී පොලිස්පතිවරයා මෙම සිද්ධිය පිළිබද වාර්ථාවක් තමන් වෙත ලබා දෙන ලෙස දකුණු පළාත් ජ්‍යෙෂ්ඨ පොලිස්පතිවරයාට උපදෙස් ලබා දී ඇතැයි පොලිස් ආරංචිමාර්ග කියයි.
