මේ වසරේ දෙසැම්බර් 23 වැනිදා ප්‍රදර්ශනය වීමට සූදානම් කර ඇති නිතේෂ් තිවාරිගේ "දංගල්" චිත්‍රපටයේ ප්‍රධාන නළු චරිතයට පණ පොවන අමීර් ඛාන් මේ දිනවල එම චිත්‍රපටයේ අවසන් රූපගත කිරීම් සඳහා එක්ව තිබෙන බව වාර්තා වේ. මෙම චිත්‍රපටය පිළිබඳව මාධ්‍යයට තොරතුරු ලබාදීම පිණිස පැවති මාධ්‍යය හමුවකදී අමීර් ඛාන් පවසා ඇත්තේ සිය චිත්‍රපට චරිත සඳහා වැඩි කැපවීමක් මෙන්ම මහන්සියක් ගත් බවයි.
ඔහු පවසන අන්දමට මෙම චිත්‍රපටයේ රූපගත කිරීම් කටයුතු ආරම්භ කිරීමට පෙර තමා සිය චරිතයට අවශ්‍ය ස්වරූපය සකසා ගැනීමට තම සිරුරෙන් කිලෝ 25ක බරක් අඩු කරගෙන ඇත. ඉන්දියාවේ ප්‍රකට මල්ලවපොර ශූරයෙකු වූ මහාවීර් ප්‍රතාප් සිං ලෙස අමීර් ඛාන් මෙහි චරිත නිරූපණය කරන අතර, ඔහු සමගින් ඉන්දීය ජනප්‍රිය ටෙලිනාට්‍ය නිළියක් වූ සාක්ෂි තන්වීර් "දංගල්" හි ප්‍රධාන නිළි චරිතය සඳහා දායකව සිටියි.
