අරණායක සාමසර කන්ද නාය යෑමෙන් මිය ගිය සිව් දෙනෙකුගේ අවසන් කටයුතු අද (20) සිදු විය.
ඒ අතර හමුදා නිලධරයකු ද වේ. හමුදා සාමාජිකයන් ඔහුට හමුදා ගෞරව ලබා දුන් පසු භූමදාන කටයුතු සිදු කැරිණි.
යුද හමුදාව හා විශේෂ කාර්ය බළකාය අදත් තුන්වැනි දිනටත් සෝදිසි මෙහෙයුම් සිදු කරති.
සම්පත් නම් මෙම යුද හමුදා සෙබලා යාපන යුද හමුදා කඳවුරේ සේවය කරන බවත් නිවාඩුවට සිරිපුර ගමට පැමිණ ඇති බවත් ඔහුගේ ඥාතිහු කියති.
මීට මසකට පෙර විවාහ වී ඇති බවත් ඔහුගේ පවුලේ සාමාජිකයන් ගැන කිසිදු තොරතුරක් නැතැයි ද ඥාතිහු පවසති.
ඔහුගේ පියා පමණක් ජිවත්ව සිටින බව වාර්තා වෙයි.
