අරණායක නාය යාමෙන් අවතැන් වූවන්ට ආධාර සපයන්නට කැමති අය මුලින්ම ඒ ගැන ප්‍රාදේශීය ලේකම්ගේ හෝ කෑගල්ල දිසාපතිගේ හෝ මග පෙන්වීම යටතේ එසේ කළයුතු බව අපදා නිලධරයෝ කියති.
අද ආධාරා රැගෙන ආ පිරිස් වලට අවතැන් වූවන් රඳවා සිටින කඳවුරු වලට පවා යාමට නොහැකි විය. එයට හේතුව දැඩි වාහන තදබදයයි.
බොහෝ දෙනෙක් කිසිදු විමසීමක් නොකර ආධාර ගෙන එන නිසා ඇතැම් අතිරික්ත වී ඇතැයි ද, අත්‍යවශ්‍ය ඇතැම් දෑ තවමත් හිඟ යැයි ද සහන සේවකයෝ කියති.
කෑගල්ල දිස්ත්‍රික් ලේකම් කාර්යාලයය කියනුයේ 035 2222237 අංකයට හෝ 071-4514680 අංකයට කතා කර ආධාර ලබා දිය යුතු ස්ථාන ගැන කල් තියා දැන ගන්නා ලෙසයි.
ආධාර වලින් උපරිම ප්‍රයෝජනය ගැනීම සඳහා එසේ ක්‍රියා කරන ලෙස නිලධරයෝ ඉල්ලති.
