"සුල්තාන්" චිත්‍රපටයේ එන ගීතයක් ගැයීමට අකමැත්ත පළ කර පසුගිය කාලයේ මාධ්‍යය තුළින් කතාබහට ලක්වූ ජනප්‍රිය බොලිවුඩ් චිත්‍රපට පසුබිම් ගායක අර්ජිත් සිං සල්මාන් ඛාන් මේ දිනවල දායකව සිටින කබීර් ඛාන්ගේ "ටියුබ්ලයිට්" චිත්‍රපටයේ එන ගීත කිහිපයක් ගැයීමට කැමැත්ත පළකර ඇති පුවතක් වාර්තා වෙනවා.
"සුල්තාන්" චිත්‍රපටයේ ඇතුළත් වූ "ජග් ගේමියා" ගීතය ගැයීමට ඔහු අකමැත්ත පළකර තිබුණ අතර, ඒ කාරණය නිසාම ඔහු හා සල්මාන් ඛාන් අතර විරසක වීමක්ද හටගෙන තිබුණා. එහෙත්, මේ වනවිට එය සමථයකට පත්ව තිබෙන බව සඳහන් වෙනවා.
කෙසේ වෙතත්, මීට සතියකට පෙර අර්ජිත් සිං එක්තරා වෙබ් අඩවියක් සමග සාකච්ඡාවකට එක්වූ අවස්ථාවේදී පවසා තිබුණේ සල්මාන් ඛාන් රංගනයෙන් දායක වෙන කිසිදු චිත්‍රපටයක් සඳහා තමා ගීත ගායනා නොකරන බවයි. අර්ජිත් සිං සිනමා රසික, රසිකාවියන් අතර වඩාත් ජනප්‍රිය වුයේ 2013 වසරේ තිරගත වු "ආෂික්‍යු" දෙවැනි චිත්‍රපටයේ ඇතුළත් වූ "තුම් හි හෝ" ගීතය හරහාය.
