වනජීවී භාරයට ගත් අලින් පෙරහැර සදහා  නිදහස් නොකරන්නේ නම් අද (9) සිට මහනුවර දළඳා මාලිගාවේ පෙරහරට අලින් සහභාගි නොකරන බව පවසමින් හීලැ අලි ඇතුන් සුරැකීමේ සංවිධානයේ ජාතික සංවිධායක මාගල්කන්දේ සුදත්ත හිමියෝ ඇතුළු පිරිසක්ද ඇත්ගොව්වන් පිරිසක් ද මහනුවර දළඳා මාලිගා පරිශ්‍රයේ සත්‍යග්‍රහයක් ඇරඹූහ.

නීති විරෝධීව ළඟ තබා ගත් බව කියන අලින් අධිකරන නියෝගයකට අනුව වනජීවී භාරයට ගත් බවත් අලි ඉල්ලා උද්ඝෝෂණ කළත් නීතිය අතට ගැනීමට  ඉඩදීමට කිසිවිටක තමා සුදානම් නැති බවත් මෙම පිරිස් පෙරහර කඩාකප්පල් කිරීමට ගෙනයන වැඩපිළිවෙළ වත්මන් රජය තරයේ ප්‍රතික්ෂේප කරන බවත් වනජීවී ඇමැති ගාමිණී ජයවික්‍රම පෙරේරා මහතා පැවැසීය.