වනජීවී ඇමැති හා ඔහුගේ නිලධාරීන් ලංකාවේ අලි 270 ක් සිටින බව පවසන බවත් එසේ අලි සිටිනම් ඇසළ මහා පෙරහර සඳහා සතර මහා දේවාලවලින් එකකට අලි පස්දෙනෙක් ලබාදෙන ලෙස තමා අභියෝග කරන බවත් ඒ සදහා වැය වන සියලු  වියදම් හා ගමන් ගාස්තු සියල්ලම තමා  දරන බවත් මහනුවර කතරගම දේවාලයේ බස්නායක නිලමේ ගැමුණු වලිසුන්දර මහතා අද (28 ) මහනුවරදී පැවසීය.

වනජීවී අමාත්‍ය ගාමිණී ජයවික්‍රම පෙරේරා මහතාගෙන්  මේ සම්බන්ධව කළ විමසීමකදි කියා සිටියේ එම අභියෝගය සඳහා පිළිතුරු දිමට තමා සුදානම් නැති බවත් ශ්‍රි දළදා මාලිගාවේ දියවඩන නිළමේවරයා ද ඇතුළත්ව පිහිටුවා ඇති මෙරට හීලෑ අලි ඇතුන්ගේ සංගමයෙන් දළඳා පෙරහර සඳහා සහභාගි කරවා ගත හැකි අලි සම්බන්ධ වාර්තාව තමාට ලැබුණු පසු බස්නායක නිලමේවරයාට නිසි පිළිතුරක් දිය හැකි බවයි.