අලි රොෂාන් අනවසරයෙන් අල්ලා ගන්නා ලදැයි කියන ඇතකු කතරගම මහ පෙරහර අවසානයේ වනජීවී භාරයට පත්විය.
වසර හයක් වයසැති මෙම ඇත් පැටියා සම්බන්ධයෙන් රහස් පොලිසිය උසාවි නියෝගයක් ලබාගෙන ඇත.
සමාධි නම් මෙම ඇතින්න ව්‍යාජ ලේඛන මත අලි රොෂාන් හෙවත් සමරප්පුලිගේ විරාජ් රොෂාන් විසින් හිමිකර ගන්නා ලදැයි රහස් පොලිසිය කියයි. 2014 අගෝස්තු 31 වැනිදා මෙම ඇතින්න රුපියල් පනස් ලක්ෂයක බැඳුම්කරයක් මත අලි රොෂාන්ට මුදා හැර ඇතැයි කියති.
එම ඇතින්න පින්නවල ඇත්අතුරු සෙවණට බාර දෙන ලෙස කොළඹ අතිරේක මහේස්ත්‍රාත්වරයා නියෝග කළේය.
මේ අතර බොදු බල සේනාවේ සම්බන්ධිකරණ ලේකම් මාගල්කන්දේ සුදන්ත හිමියන් හදිසියේ පුවත්පත් සාකච්ඡාවක් පවත්වමින් පැවසුවේ රටේ ලොකු ප්‍රශ්නයක් අැති විට ජනතා අවධානය වෙනතට හැරවීම සඳහා කොහෙන් හෝ අලියකු අත්අඩංගුවට ගන්නා බවයි.
ඡායාරූප - කේ.ඩී.දේවප්‍රිය
ඡායාරූප - චමිල් රූපසිංහ
