සිගිරිය ගෙඩිගස්වාලානට වල් අලින් ගම් වැදීම වැළැක්වීමට ඉදිකළ අලි වැටට වසර දෙකක් ගතවී ඇතත් මෙතෙක් විදුලිය සම්බන්ධකොට නැති බව ගම්මු කියති.
අලි වැට ප්‍රමිතියකින් තොරව ඉදිකිරිමන නිසා විදුලි කණු දැනටත් බිම වැටී ඇත. ඇතැම් කණු අඟල් 6ක පමණ වළවල් හාරා වළදමා ඇති බව ජනතාව කියති.
සීගිරිය අඩවි වන නිලධාරී ධම්මික පෙරේරා කියා සිටියේ මෙම තත්වය සත්‍ය බවයි. කඩිනමින් සිවිල් ආරක්ෂක දෙපාර්තමේන්තුව යොදවා විදුලි වැට නඩත්තු කර ඊට විදුලිය සම්බන්ධ කිරීමට ක්‍රියා කරන බවත් එතෙක් කොන්ත්‍රාත්කරුවන්ගේ රැඳවුම් මුදල් ලබා නොදෙන ලෙස ප්‍රාදේශීය ලේකම්ට දැනුවූ බවත් ඔහු කීවේය.
